[A:297]དཀར་གྱི་སྐུ་ཆོས་མེ་ལོང་མ། སྡེ་པ་ལྷ་ས་པའི་ལག་བཟོའི་དབུ་རྒྱན་བྱ་སྒྲོ་མvc: སྒྲོལ་མ?། རྒྱ་བཟོའི་དངུལ་གྱི་ཁ་ཊྭཱཾ་ག་རྩེ་ཁྲུ་གང་པ། སྐུ་རྒྱན་རྣམ་གྲངས་འགའ་དང། ཇ་དར་གོས་སྤོས་ཆག་རྣམས་ཕུལ་བས་རྨི་ལྟས་བཟང་བ་ཙམ་བྱུང་ཞིང། དེ་ནས་གཞིས་ཀར་ཞབས་དྲུང་གི་དགུང་རྟའི་སྐེག་སེལ་བའི་ཚེ་དབང་གྲངས་མང་བ་དང། སྤྲོས་མེད་ཀྱི་དབང་ཁྲིད་སོགས་ཕུལ། རྭ་ལྔར་དཔོན་ས་ཡུམ་ཆེན་མོའི་དྲུང་དུ་སྦྱོར་དྲུག་གི་དམིགས་པའི་གསལ་འདེབས་གཙོ་བོར་ཕུལ་ཞིང། ཚེ་དབང་ཡང་ལན་འགའ་ཡར་ཕུལ། སྨན་ཐང་པས་རྒྱལ་སྲིད་སྣ་བདུན་གྱི་དབང་ཙག་ཡང་དེ་དུས་བྲིས། རྗེ་རྡོ་རྗེ་གདན་པའི་ཕྱག་གི་དུང་ཆོས་དང། མཁྱེན་རྩེ་བvc: མཁྱེན་བརྩེ་བ?འི་ཕྱག་རིས་ཀྱི་དུར་ཁྲོད་བདག་པོའི་བྲིས་སྐུའི་གནང་སྦྱིན་ཡང་སྩལ་ནས། སླར་ནང་པ་བཀྲ་ཤིས་གླིང་པ་ཡར་རྒྱབ་ནས་འབོད་མིར་གནང་བ་བཞིན་དཔལ་སྡེ་ལ་བྱས་འབྲོག་བཙན་ཡུལ་ལ་བརྒྱུད་དེ་དཔལ་འབྱོར་རབ་བརྟན་དུ་ཕྱིན། དེ་དུས་སྡེ་པ་དཔོན་ཆེན་པ་སྐུ་མཚམས་སེ་ལ་བཞུགས་འདུག་པས་ཕེབས་བསུ་ལ་སྡེ་པ་རྒྱལ་བུའི་དྲུང་ནས་ཕེབས་བྱུང་ཞིང། སྡེ་པ་དཔོན་ཆེན་པའི་དྲུང་དང་མཇལ་དུས་མ་ན་ཧུའི་ལོ་གཅན་ཞིག་གི་ཕྱག་མཇལ་གནང་བྱུང། དེར་ཞག་འགའ་ངལ་བསོ་བྱས་ངེད་ཀྱིས་དཔལ་འབྱོར་རབ་བརྟན་རང་དུ་སྤྲུལ་སྐུ་ཚེ་རྒྱལ་ངག་དབང་གཉེར་ནས་མཚམས་སེ་བྱས་ཙན་དན་གྱི་མཆོད་རྟེན་གཟབ་བརྐོས་དང། དེའི་ནང་བཞུགས་བཀོད་པའི་ཁ་ཏ་བགྱིས། སྡེ་པ་སྐུ་ངོ་རྣམས་སྨོན་ལམ་ལ་བྱམས་པའི་གླིང་དུ་ཕེབས་སོང། དེ་དུས་ངེད་རང་གི་མདུན་སོ་གཅིག་བུད་བྱུང་པ་ལ་ཨོཾ་གསུམ་མ་མང་དུ་སྟོན་པའི་བྱིན་རླབས་སུ་མཚོན་པའི་བཾ་ཡིག་གི་ལཉྫ་མདོག་དམར་སིང་བ་བྲིས་པ་འདྲ་བ་ཞིག་བྱུང་བ་