[A:100]su bcug bar skabs su zhal ngo nyag phra ba la brten/ shar pas khri bskor bcu gsum la lung gtong ba byung / bla ma bdag nyid chen po'i sras bsod nams bzang po mdo khams su grongs/ dbus gtsang du jo mo bdun blangs pa'i kun dga' 'bum gyi sras kun dga' blo gros hor yul du byon nas bu yan rgyal po/ gi gan rgyal po/ ye sun the mur gsum gyi ti shri mdzad/ ma gcig yon bdag mo'i sras che ba chung ngu'i dus grongs/ kun dga' legs 'byung gi ye sun the mur kun dga' rgyal mtshan gyis ratna shrI dang tho gan thi mur gyi bla mar hor yul du byon/ ma gcig nam mkha' rgyal mo la sras nam mkha' bshes gnyen/ nam mkha' legs pa/ nam mkha' rgyal mtshan gsum byung ba'i nam mkha' legs pas gdan sa chen po'i khri thog tu bzhugs/ ma gcig gzhon nu 'bum la kun dga' nyi ma/ don yod rgyal mtshan/ dpal ldan bla ma dam pa bsod nams rgyal mtshan gsum 'khrungs pa'i chos rje bla ma ni/ rig pa'i gnas mtha' dag la phul du phyin zhing rdo rje 'dzin pa'i sa chen po la mnga' brnyes pas bstan 'dzin kun gyi gtsug rgyan dam par gyur pa la/ khyad par gong ma sde srid phag mo gru pa'i yongs 'dzin du gyur pas khyad par 'phags/ ma gcig nyi ma rin cen la nyi ma dpal/ kun dga' legs rgyal/ kun dga' rgyal mtshan gsum 'khrungs/ kun spangs lcam mo la blo gros rgyal mtshan dang / khang gsar dpon mo la bsod nams blo gros dang grags pa rgyal mtshan gnyis 'khrungs/
de yang ti shrI kun dga' blo gros kyis gcung po rnams la bla brang bzhi so sor bgos te gnang bas/ mkhas btsun nam mkha' legs pa'i sras ta dben kun dga' rin 'byung / de la btsun mo gnyis las che ba'i sras gu shri blo gros rgyal mtshan chung ba'i sras slob dpon grags pa blo gros dang / kun