[A:109]drung chen kun dga' rdo rje'i sras si tu dge legs bzang po/ de la sras tre hos dpal 'byor bzang po/ legs pa rgyal mtshan/ legs ldan bzang po dang gsum gyi dang po'i sras tre hos dga' bde bzang po dang dngos grub rgyal mtshan gnyis 'khrungs/ gdung brgyud rim par byon pa de dag thams cad kyang gong ma'i lung dang las kas mngon par mtho zhing / chos dang srid kyi mdzad pa mi dman pa sha stag tu byon/ 'on kyang dpon kun dga' rdo rjes/ sa skya'i dpon chen rgyal ba bzang po/ dbang brtson/ g.ya' bzang pa sogs dang bsdongs te/ sde srid phag mo gru pa la ngan bshoms mang du byas pas/ 'dab chags phal gyis mkha' lding gi rjes su snyeg pa rang nyid ngal ba'i rgyur 'gro ba bzhin du sngar dpon dga' bde dang / drung chen smon lam pa'i dus mtha' sgyur ba'i gong ma'i 'ja' sa'i nang gi 'bangs ni phal cher shor ro//
! dpal phag mo gru pa'i 'phrin las kyi rgyun las/ sgrub brgyud kyi bstan pa rin po che'i dgon gnas slob rgyun dar rgyas su spel bar mdzad pa po ni skyu ra rin po che yin la/ gdan rabs bzhi tsam gyi bar du dam pa'i chos kho na don du gnyer ba las/ 'jig rten gyi stobs dang gong ma'i lag rtags sogs med 'dug pas/ si tu rin po che'i bka' chems deb ther las/ de dus kyi bla ma de spyan snga rin po che yin/ sgom pa shAka rin yin te dam kha ma theb rjes tsam yang khyed bla dpon la med/ rgyal po'i bla ma ti shri yang ma byas gsungs pa ltar yin la/ de yang bstan pa snga dar gyi dus skyu ra'i rig sngags 'chang ba zhig la mkha' 'gro'i rigs can gyi sna nam bza' bya ba'i jo mo zhig blangs pa mi las 'das pa'i sprul sgyur sna tshogs ston pa zhig byung ba/ deng sang 'bri gung a phyir 'bod pa 'di yin la/ de gnyis kyi sras la nam mkha' dbang phyug gi brgyud las a mes dbang rgyal gyi sras bzhi pa rdo rje la jo mo rje btsun ma bya ba blangs