[A:110]pa'i sras su 'bri gung rin po che 'khrungs te 'gro mgon rin po che'i drung du zab rgyas kyi chos bum pa gang byo'i tshul du gsan cing mtshan rin cen dpal du grags/ 'gro mgon gshegs rjes zhang sum thog pa'i mjug tu gdan sa mdzad kyang 'phrin las bzhed pa bzhin ma byung bas byang phyogs su byon nas rtogs ldan mi nyag sgom rin gyi dgon pa nye gnas kyis phul bar phyag phab ste dar rgyas su mdzad pas 'bri gung thel zhes gangs ri'i khrod kyi sgrub brgyud pa'i gtsug na mngon par mtho ba byung zhing /
skyob pa rin po che'i khu bo dkon cog rin cen gyi sras a mes grags rgyal/ de la sras mched gsum las che ba dbon rin po che/ 'bring dbon brgyud rdo rje seng ge/ chung ba gcung rin po che rdo rje grags pa las/ gcung rin po che ti li pa'i sprul par grags shing / 'di'i dus su sgom pa la khri dpon gyi 'ja' sa lon te/ byar dgas tshun lung gis mnga' sgyur bas stobs 'byor gyi longs spyod shin tu che/ de dag la bsams nas phyis su gong ma si tu rin po che la 'bri gung sgom pas/ da lta sa skya pas bdag byed pa 'di sngon nged 'bri gung pas byed par snang zer ba'i khengs dregs kyi gtam smras skad/ 'on kyang sgom pa gsum bzhi'i ring la sa skya pa dang ma mthun pas/ 'bring po'i sras thog kha pa rin cen seng ge dang spyan snga mtshams bcad pa'i rjes su gnubs gdan sar bzhugs thog gling log chen po de byung skabs 'du khang la me brgyab pas dge 'dun khri tsho tsam gnam g.yang nas mkha' la 'phur zer/ zhal ngo kong por bros/ mnga' thang yang cung zad bri/
de rjes rdo rje rin cen/ rdo rje rgyal po/ nyer gnyis rin po che/ don grub rgyal po rnams rim par byon te spyan snga'i go sa dang sgrub brgyud kyi bstan pa spel ba kho na las/ 'jig rten gyi srid 'dzin pa ni sa skya'i dpon chen gyi dod