[A:113]skyon can gyi sbyor ba mi rtsom pas mtshan jus brtan chags shing / zhal ngo rim par byon pa rnams mkhyen sgo yangs pa dang thabs mkhas kyi mdzad pas deng sang sa skyong kun dga' dbang chen phun tshogs mched kyi bar du chab srid la 'pho 'gyur med par yod do//
! byang pa bdag po ni phun sum tshogs pa'i bsod nams kyi dpal las grub pa'i dbang phyogs rgya nag gong ma'i khri la gnam gyi lung gis dbang sgyur ba mi nyag si'u rgyal po nas gdung rabs bdun pa mi nyag rgyal rgod las rim par brgyud pa'i rigs las mi nyag sengge dar/ de'i sras rdo rje dpal gyi rje btsun grags pa rgyal mtshan gyi zhabs la gtugs nas/ dpal sa skya pa dang 'brel ba'i 'go tshugs/ de'i sras dkon cog de la sras gsum las/ 'bum sdes chos rje sa paN la gus 'dud lhur mdzad/ 'di la sras drug las grags pa dar gyis gong ma se chen rgyal po'i lung bzhin rin po che'i dam kha dang si tu'i las ka blangs/ byang ngam ring gi chos sde chen po btsugs/ dpon chen grags pa dar ming gzhan yon btsun zhes grags snyan can de'i sras rdo rje mgon pos yab mes kyi srol bzhin sa skya'i dpon chen gyi las ka bzung / tshogs sde bzhi la bkur sti bla lhag tu mdzad/
de la sras drug las/ nam mkha' brtan pas gong sar byon nas stag mgo nor bu gsum pa gu'i gung gi mtshan shel gyi tho shu rnams gnang / slar ta dben gu shri ming dang shel gyi dam kha blangs/ dpal ldan sa skya dang ngam ring gis gtsos pa'i chos sde rnams su bsnyen bkur sogs lugs gnyis kyi mdzad pa bzang / de la sras rin cen rgyal mtshan dang / nam mkha' rin cen gnyis las/ gcen gyis yab kyi chen po'i las ka rnams blangs/ spyan ras gzigs kyi sprul par grags/ 'di'i sras snga tshar gu'i gung chos grags dpal bzang