[A:114]gis si tu chang gu'i las ka blangs/ sras phyi tshar zla ba rgyal mtshan/ 'khon ston bsod nams pa'i yum rnams 'khrungs/ gcung 'jam dbyangs pa rje btsun sa paN gyi dus su 'khor du skyes pa dran/ shes bya'i gnas la blo gros kyi 'jug pa mchog tu yangs shing / kwa ding gu shri'i las ka bzung / yab dang gcen gyi bka' bzhin rab byung gi bslab pa phul/ sras lcam sring gsum 'khrungs/
gu'i gung chos grags pa'i sras che ba bdag chen rnam rgyal grags bzang gis ta'i si tu'i las ka dang / gcung dkon cog legs pas shri'i zi'i dre hos kyi las ka bzung ste srid kyi 'byor ba shin tu che/ khyad par gcen gyi lo chen byang chub rtse mo sogs dam pa du ma'i gsung gi bdud rtsi myang / rgya gar rdo rje gdan gyi mkhan po shA ri pu tra dang / bo dong phyogs las rnam rgyal ba la zab rgyas kyi chos mang du gsan/ khyad par dpal dus kyi 'khor lo la mkhas pa'i phul du phyin pas/ mkhas pa rdo rje rgyal mtshan dang / mi nyag chos grags bzang po sogs kyis/ chos rgyal 'di nyid kyi zhabs la gtugs nas/ dus 'khor gyi rgyud 'grel gsan/ rtses thang pa sangs rgyas lhun grub kyis rigs ldan 'di nyid kyi drung du dus kyi 'khor lo'i rgyud 'grel mthar phyin par gsan nas/ slar dbus su paN chen byams pa gling pa'i drung du rig gnas kyi thugs sbyong mdzad pa'i skabs/ bdag chen 'di nyid kyis legs par bshad pa'i dus 'khor gyi gsung gleng byung bas thugs ha las te/ nyid kyi gsung 'di ltar na nged kyis sngar brtsams pa rnams la yang bcos byed dgos par 'dug gsungs skad/ mdor na dbus gtsang mtha' dag tu zur gnas rnams/ rigs ldan padma dkar po slar byon pa yin zhes gleng zhing / gzhan yang theg pa che chung gi gsung rab mtha' dag la mkhyen spyan yangs pas/ skabs shig dus bzhi cig car ba dang rim gyis pa'i skor la bdag chen nyid kyis na bza' ber gyi phu dung