[A:120]mi rabs bdun cu rtsa gsum par//
bla ma mi dpon rgyun mi chad//
sems can kun gyi 'dren pa dang //
dpa' bos rgyal khams 'dul ba dang //
grags pa sa steng khebs pa 'ong //
zhes gsungs pa dang mthun par mi yul du byon te sgrub pa mdzad/ lo gsar gyi zla ba la lha ri'i rtser byon te mchod pa mdzad pas nam mkha' las 'ja' tshon sna lnga pa byung zhing bar snang la rol mo'i sgra sogs cho 'phrul sna tshogs byung bas/ tshangs sras lha mo 'khor brgyad dang bcas pa byon par gzigs te/ chung ma mdzad par gsol ba bzhin 'khor rnams 'od du yal/ lha mos zhal gyis bzhes/ rdo rje rnam 'joms kyi khrus chus jo mo'i sku lus bkrus nas yul du byon/ yun ring du song kyang sras ma byung / skabs shig nam mkha' nas sgra zhig la/ mang ldom stag btsan dmag la byon/ / rgya dmag bod du lhags dogs yod/ rgya dmag bod du lhags pa na/ / khyod min gang gis thub mi 'gyur/ / zhes byung bas mang ldom gyis chibs ngang dkar g.yu gshog la chibs/ dngul dkar gyi dung khrab dang shel dkar gyi rmog de gyon/ 'od 'bar gyi mtshon btags nas/ nam mkha' la lha dmag dang chu rgyud la klu dmag rnams 'grim du bcug ste byon pas/ rgya rnams bros te g.yul las rgyal/ skabs der sman btsun gyis lha yul nas khrid pa'i dung gi mdzo mo bros pa mang ldom gyis bkag sman btsun gyis mdzo mo 'tshol du 'ongs pa gzigs nas/ mdzo mo mi 'gro ba'i phyag rgyas bcings te pha bong gur 'dra'i nang du byon/ sgo bsdams te zur gcig nas gzigs pas/ sman btsun gyis mdzo mo la 'o ma bzhos pa'i phud kyis dkon cog dang / mang ldom gyi skyabs