[A:132]blo chen log pa'i lam la 'gro/ / mu stegs byed kyi ston pa mchog / dbang phyug smyon pa'i brtul zhugs 'dzin/ / zhes pa'i dpe ltar g.ya' bzang pas phag mo gru pa'i steng du dmag gis tshur 'gebs lan 'ga' byas shing / tshal pa rgyab phugs su yod pa dang / dpon chen rnams kyang yo bas kha mchu yang g.ya' bzang pa rgyal ba 'ga' re byung na'ang / kha mchu'i rtsa ba ma chod pas g.ya' phag bar thang du g.yul 'khrugs pas phag gru pham ste/ ston pa gzhon 'od kyis 'go byas mi gces bcu gsum tsam bsad / si tu dang mnyam du gzhon nu bzang pos 'go byas mi bco lnga tsam ma gtogs phal cher bros/ de nas dpon chen dbang phyug dpal ba'i drung du g.ya' phag gtugs gsher byas pas phag gru bden pa che ba tsam byung yang / dpon kun rdor gyis gyog byas par brten g.ya' bzang pa rgyal/ de nas mi ring bar dpon chen dbang brtson gyis dog lum par si tu ston mo la bos thog lab bslus kyi rnam par stag mgo gtod dgos pa'i tsha 'jam ci yang byas shing / zhag bcu dgu tsam gyi ring gung thang du btson la 'jug pa sogs byas kyang / shes rab ldan pa mgo bskor yang / / bya ba'i cha la rmongs mi 'gyur/ / srog chags grog ma mig med kyang / / mig ldan gzhan las lhag par mgyogs/ / zhes pa ltar mkhyen rab dang snying stobs phul du byung bas/ dpon chen gyis glags ma rnyed par phyir phebs/ de nas si tu dar ma rgyal mtshan/ mnga' ris phyin gyi 'jags byed pa dang / bod chol kha gsum gyi phye gsal byed par byon dus/ 'dam dang tshong 'dus 'gur mo gnyis su gtug gsher byed mi thub kyang / mnga' ris 'khor nas yar klungs su se chen rgyal po'i 'ja' swa li ji bcwa hu sogs yig ris rnams bstan pas si tu dar rgyal ba ha las/ g.ya' phag gi kha mchu'i bcad mtshams legs pa byas na'ang / g.ya' bzang tshul 'bum 'od