[A:134]'ded drag byas/ chen po re zhig gud gyur kyang / / de la gdung ba skye mi dgos/ / zla ba re zhig gzas zin kyang / / de ma thag tu grol bar 'gyur// zhes pa ltar/ nyug chos rdzong du zla ba phyed gnyis dang / ko sbrel du zla gcig bzhugs/ de nas bo dong du dpang lag gi thog dpon chen dbang brtson 'ja' sa dang bcas mthong smon du sleb pa dang / dpon chen rgyal bzang gis si tu la dam sbrags ma byas par si tu dbus su byon/ sne'u gdong du gzhon nu bzang pos 'go byas blon po rnams la kha mchu 'di'i dbye gsal ma byung bar chos byed pa skad mi zer ba'i khas len bskor/ de nas dpon chen dbang brtson gyis khri dmag rnams bsdus te dog lung par byung ba dang / si tus kyang rdzong rnams kyi 'dzin cha dang dpung gi bsdu gsog mdzad/ byang gi la khar khrom po lha btsun dpon g.yog brgya skor dang / dpon chen gyi dmag rnams thug pa lha btsun pa can lag dpangs mtho bar byung ba'i gtam snyan pa sleb/ sang gzhon nu bzang pos dmag dpon byas te/ phag gru khri bskor gyi dmag rnams bteg lhum steng du dro la sleb/ der rta rnams sgugs kha slangs/ bab col du spyod pa ma yin par dpa' bo dmag la chas pa stag ltar mchong ba la med mi rung gi mi bzhi'i nang gi thug dkar bas lha gsol/ g.yul rgyal bas lto bsgyur/ dus tshod rtsis dang bstun nas dpung rnams 'grims/ dpon chen gyis khri dmag mon mkhar mda' na ru bsgrigs pa'i steng du bkab nas 'khrugs pas sa skya pa'i dbus gtsang gi khri dmag mtha' dag spub/ phag gru pa'i jus rnam par rgyal ba'i ru mtshon srid rtse'i bar du bsgreng nas/ dgra mgo ru dar dang bcas pho brang chen po sne'u gdong rtser lag rtags su bskur bas kun gsal sgeg mo rlung gi rgyal mtshan gyi gos gyon pa ltar rnam par bkra ba'i dar gyi lhab lhub dang grags snyan rdza rnga'i sgra chen pos nam mkha'i nor bu yang skrag nas gling bzhi