[A:135]bskor ba'i zol gyis rgyu bar byas so//
sngar dpon chen rgyal bzang gis si tu bzung ba'i skabs pho brang chen por 'khra phur tshugs shing / nye lam dbang brtson gyis khri skor bcu gsum gyi dpung bshams pa btul ba sogs gzhan sde rnam par 'joms pa'i dgra thabs kyis sde srid phag mo gru pa'i bstan jus tshugs pa'i rtsa ba lta bu hor gzhon nu bzang po yin pas/ bka' chems su/ sne'u gdong dgra lag tu ma shor ba byung bas nga'i srog thon/ de la brten nas sde 'di zug chags byung bas kho drin che ba yod pa'i don de yin zhing / da dung tshun bcad du nga la sngas gtod pa 'di yin pas shi gson gang byung yang nang nas bsdur dgos/ da lta'ang gzhon nu rgyal mtshan gyis 'go byas spun skya ser kun la blo thub dang / nang mi 'chel ba'i don de yin gsungs la/ de nas si tu rang yang dpung thog tu phebs/ gra phyi 'phyong rgyas sogs lho rgyud kyi sa cha rdzong gzhis phal cher blangs/ 'thab rtsod snga phyir byung yang gzhan dag rnams rmeg med par bcom/ de nas dpon chen dbang brtson gyis dmag bsags par bla ma dam pas bka' phebs dang / de rjes kha mchu bsdum mkhan mang du byung yang / dpon chen gzhan gyis bskyod stabs su song bas ma 'grig pa'i zir bun gyi ngang la si tus gong dkar blangs/ de la dpon chen gyi dpung bcug par bsad bzung tshul lcebs pa sogs mang du byung nas si tu ba rgyal te/ kha rag phyin gtsang la yar gtogs lha 'brug rnams rta rmig 'og nas blangs/ dben pa dang mjal te gong ma'i drung du khyed rang 'gro'am mi gtong ba gang ris 'thad gsungs pa bzhin dbang phyug dang shes rab rdo rje gnyis btang ba nyes med du 'khor te khri bskor la dgos pa'i dngul gyi dam kha dang bcwa hu sogs 'grub/
de nas 'bri gung sgom pa kun rdor gyis snga phyir byed spyod ma mkhas pa la