[A:148]pa'i yid la shar tshad lag tu mi len pa'i mig ltos mchog tu bzang / chos rje bsod grags pas/ chos rgyal chen po 'di nyid kyi blon po'i khrod du brag dkar ba shes rab bkra shis 'dren pa ni/ sher bkras pas gong ma ta'i si tu'i skabs hor rgyal po'i drung du 'ja' sa zhu bar byon pa'i dus dgung lo bzhi bcu rtsa bdun gyi khar sleb cing / si tu rin po che nas gong ma 'di'i ring la gdan rabs kyang 'ga' zhig song bas/ drung chen sher bkras pa 'ong ba'i don med cing / rin spungs nam mkha' rgyal po nam mkha' rgyal mtshan gyi sras yin kyang / nam mkha' rgyal mtshan gyi sngon la 'dren pa sogs dmus long gcig pur rgyu ba lta bur kun dang mi mthun pa'i gtam mang ngo / / smras pa/
phul byung bsod nams shing rtas legs drangs pas//
dbang phyug brgyad kyi yod tan 'bar ba'i gzis//
sde gsum cig car gsal ba'i grags pa'i gzugs//
rlung gi rgyal mtshan lta bur tshar du dngar//
tha gu'i lto can 'jug pa bcu pa'i sgyus//
kun las rnam par rgyal la mtshar du ci//
g.yo med drang po'i tshul gyis lhar bcas 'gro'i//
gtsug na zhabs sen u dum wA ra 'dzum//
gcung sangs rgyas rgyal mtshan gyis rin spungs nas bdag mo zhig khab tu bzhes par grags pa 'byung gnas dang / kun dga' legs gnyis 'khrungs/