[A:149]grags pa 'byung gnas sku na phra mo nas thun mong dang thun mong ma yin pa'i rig pa'i gnas la mkhas par sbyangs/ khyad par rdo rje theg pa la thugs rab kyi rtsal shin tu che bas/ mkhas pa'i dbang po 'gos lo ye bzang rtse ba'i zhal nas/ de rjes mi'i dbang po grags pa 'byung gnas pa thugs rab shin tu che zhing gsang sngags kyi mkhyen pa shin tu rgyas par gyur kyang / gdan sa'i bzhugs khri rin po che shin tu gnyan par dgongs nas gdan sar ma bzhugs kyang / gnas chen du 'gro ba'i ri pa rnams la mgyogs khrid gsungs zhes deb sngon du gsungs pa ltar yin la/ de yang chos rgyal chen po gshegs rjes/ 'di nyid sku na phra bas pho brang chen po'i khrir yab sras gnyis su bsko la bka' blon rnams gros ma mthun par spyan snga rin po che bsod nams rgyal mtshan la zhus pas/ sras bsko bar bka' gnang ba bzhin mdzad kyang spyan snga gshegs rjes/ yab kyis khri thog yong ba'i ched du gnang sgo ma legs par brten/ yar klungs su sde gzar langs te yab che sa dpon blon yar rgyab tu 'byon dgos byung / de nas gong ma dbus kyi gzhis bskor la phebs skabs sne'u rdzong du mkhas grub chos rje dge legs dpal bzang dang / gsang ne'u thog gi chos rje rnam gnyis/ drung chen slob dpon sogs mjal bar phebs/ gong ma'i sku gzhogs su bzhugs gral gyi thog gsung rab kyi 'bel gtam mdzad khar/ mkhas grub chos rje dang gsang phu'i chen po rnams so so nas bshad pa mdzad rgyu 'ong du re yang / gong ma'i zhabs phyir 'gos lo tsA ba gzhon nu dpal ba yod pas khong gis rtses thang pa'i brtul zhugs kyi thog mar gzhung len pa mdzad skad/ de nas 'jam dbyangs gong ma rgyal po kyen tha'i yis dbang gi 'ja' sa gnang ba nas bzung / dbang grags pa 'byung gnas su grags/ thel dang rtses thang gnyis su gdan sa zur du med na'ang / gsung chos 'gangs che ba rnams rtse