[A:150]nas gnang zhing / zur 'chad slon dpon rnams la bka'i 'khor los khyab pa dang / gser gyi bka' 'gyur bzheng ba sogs lugs zung gi mdzad pa mtha' dag gong ma na rim gyi srol bzang po ma nyams par bzung / yar rgyab nas che sa rtses thang du gdan drangs/ zhal ngo nang mtshams kyi 'khon zhi nas thugs yid gcig tu 'dres/ byang phyogs kyi bso kha bsrung bar 'u yug gling dkar gyi rdzong brtsigs/ rin spung nor bu bzang po/ 'phyong rgyas pa hor dkon cog rin cen ni chos rgyal chen po'i zhabs la gtugs kyang gong ma 'di'i dus su khrims kyi kha lo sgyur ba'i blon po mdzad/
gcung kun dga' legs pas gsung rab la sbyangs pa ma smad pa mdzad de rtses thang gi gdan sar phebs/ rin spungs nas bdag mo khab tu bzhes par sras rin cen rdo rje dbang gi rgyal po 'khrungs/ 'jam dbyangs gong ma chen hang rgyal pos dbang gi 'ja' sa gnang / 'di nyid rtogs pa'i yon tan phul du byung ba'i grub pa'i dbang phyug chen po zhig yin par 'dug na'ang gnas skabs su skye bo rnams kyi snang ngor mdzad sgo legs rgyu med tsam yod 'dug par dpags/ gtsang gi gzhis bskor la phebs dus rin spungs nor bzang pas gus 'dud bla na med pa mdzad kyang gnang sgo'i khog la ma mgu skad/ de nas gong ma ka bzhi pa sku mched kyis gang zhus la gsan pas/ yab yum nang mtshams su sel chen po zhugs te/ yar gong bya pa bsam sde pa sogs bdag mo phyogs dang / sne'u 'ol dga' rnams gong ma'i phyogs su chad nas dus mi bde ba mang du byung / 'on kyang 'phyong rgyas pa rdo rje tshe brtan phan tshun gnyis ka'i phyogs su ma lhungs pas sde gzar bzlums shing / zhal ngo nang mtshams kyi legs spel mdzad pas sde srid kyi zhabs tog tu 'gyur ba byung / de nas yum gshegs rjes rin spungs pa mtsho skyes rdo rjes mkhar thog bzung / de yang deb