[A:157]pa gong dkar du bzhugs pa la yang bskor rgyag cha grul che ba byung skabs gong dkar 'di dbus gtsang gnyis kyis mdud 'dzom pa'i lte ba lta bur 'dug pas rang re'i mi ngo zhig gis ma bzung na bod kyi bde skyid la gnod pas rdzong gtod mi dgos tshul gyi gong ma'i bka' shog gong dkar du gnang ba bskor mi rnams kyi lag tu brgyab pas dmag rnams gyes te bde 'jags che ba byung /
zhabs drung ngag dbang grags pa 'di nyid kyis lugs zung gi mdzad pa mtha' yas shing / lhag par dge 'brug gnyis la thugs mos che bas dam pa'i chos kyi gsan pa mang du mdzad/ sger du thams cad mkhyen pa bsod nams rgya mtsho dang mchod yon nyi zla zung gcig lta bur thugs snang dag pa byung bas gong dkar du 'jam dbyangs gong ma'i pho brang nas rten 'bul gyi rgyun 'dzugs pa gnang / gong ma chen po'i sras zur pa sogs kyis sne'u gdong rtse'i khrir bzhugs shing / bdud mi spun dgus dbus gtsang lan mang du dkrugs pa'i sri ngan langs te/ byi glang sde gzar gyi skabs 'pho 'gyur shin tu che ba byung / zhabs drung ngag dbang grags pa la sras bka' brgyud rnam par rgyal ba dang / rnam rgyal grags pa gnyis 'khrungs par gcung yar rgyab nas bdag mo byon skabs rigs 'dzin chen po'i rgyal sras padma chos rgyal dang / lha rtse ba gnyis kyis srung 'khor mdzad dus/ rgyal sras pas thun brab sogs tsham rngam ha cang che bas bdag mo 'dzangs te 'byon ma nus par bgegs skrod kyi mtshams cung zad bzhag pas rten 'brel 'phyugs nas ma 'gyangs par zhabs drung rnam rgyal grags pa sku gshegs/ gcen bka' brgyud rnam par rgyal ba lugs zung gi mkhyen sgo yangs shing khyad par phyag rgya chen po sogs nges don gyi skor la thugs gzhol/ 'di nyid kyi sras mi pham bsod nams dbang phyug grags pa rnam rgyal dpal bzang da lta pho brang sne'u gdong rtser bzhugs skabs so//