[A:160]byed pa'i 'dus grwa btsugs/ mdor na ris med pa'i grub pa'i mtha' thams cad la bsnyen bkur bla na med pa mdzad pas mngon par mtho/ chos rje bsod grags pas/ chos rje ngor chen pas rin spungs nor bzang pa la/ rje dge 'dun grub kyis dgon pa 'debs pa 'gog dgos tshul gsungs pa ni ngag rgyun ma dag pa'i 'chal gtam zhig bris par snang ste/ thams cad mkhyen pa dge 'dun grub kyis bkra shis lhun po 'debs skabs/ bsam 'grub rtse'i rdzong dpon 'phyong rgyas pa hor dpal 'byor bzang po yin zhing / 'di nyid kyis rje dge 'dun grub kyi sbyin bdag gi mthil mdzad par ming tsam gyi mkhas pa ma yin pa'i grags pa don dang mthun pa'i paN chen byams pa gling pa bsod nams rnam par rgyal bas mdzad pa'i yar rgyab kyi gdung rabs na gsal bar gsungs so//
rin spungs nor bzang pa'i sras u pa si ka kun tu bzang po/ don grub rdo rje/ mtsho skyes rdo rje/ shAkya rgyal mtshan dang lnga las/ dpon chung ngu nas grongs/ kun bzang pas dbang grags pa 'byung gnas sku mched kyi zhabs la gtugs/ yab mes kyi 'ja' sa las ka gnang ste rin spungs kyi rdzong dpon mdzad/ dpal ldan sa skya pa'i rang lugs pa kun mkhyen sangs rgyas 'phel dang go rams bsod nams seng ge dang mchod yon du 'brel te 'bras yul skyed mos tshal gyi bshad grwa btsugs shing / rta nag thub bstan rnam rgyal gyi dgon pa 'debs pa'i mthun rkyen mdzad/ don grub rdo rjes gzhis ka bsam 'grub rtse'i rdzong dpon gyi las ka bzung / ma sangs mtsho skyes rdo rjes yar klungs mkhar thog gi rdzong bzung zhing spyan snga dpal ngag gi dbang phyug gshegs rjes gdung brgyud sku na ches phra bas/ pho brang sne'u gdong rtser dpon tshab kyi thel gtong mdzad/ shAkya rgyal mtshan gyis nyang khog gi rdzong gzhis su bzhugs nas