[A:161]bdag po rgyal mkhar rtse pa gtser ba sogs dgra thabs kyi bya ba la mkhas par grags/
kun bzang pa la sras rdo rje tshe brtan dang / don yod rdo rje gnyis las/ don yod rdo rjes rdzong chen gnyis kyi las kas mtho ba dang bcas dbus phyogs nor 'dzin gyi char dpung gi 'jug sgos gzhis ka brag dkar dang chu shul lhun po rtse sogs snel pa'i lag nas blangs/ mi ring bar 'phyong rgyas pa blon po gzhan rnams dang gros khog bstun pa'i spyan snga ngag gi dbang phyug pho brang sne'u gdong rtse'i khrir mnga' gsol ba'i byed po mdzad/ la stod dang lho rgyud phyogs su dmag lan kha yar mdzad pa rnams rgyal zhing / de rjes spyan snga gong ma sku gshegs/ gdung brgyud rin po che nar ma son pa'i bar du bag yangs pa dang / khyad par lta grub kyi kun slong drag po snying la gzir ba'i 'gro ba'i 'dren par rlom pa me tog mda' can gyi zhags pas bcings pa 'ga' zhig gis yid rnam par bskyod pa la brten nas skyid shod phyogs su dpung 'jug byas par gdan sa chen po dga' ldan rnam par rgyal ba'i gling nas mkhas shing grub pa'i dbang phyug kun mkhyen smon lam dpal bas mgon po phyag drug pa'i gtor chen gyi las sbyor mdzad par brten/ dmag lan gnyis rkyen gzhan gyi dbang gis phyir bzlog dgos pa byung / slar kun mkhyen smon lam dpal ba sku gshegs pa'i gtam byung rjes dmag gi 'jug sgo byas pa dang / dga' ldan pa nam mkha' rgyal po ngo bltas pa sogs kyis sde gzar chabs su brgyugs te gzhis ka sne'u rtsis len pa sogs mdzad/ 'on kyang gong ma chen po sne'u gdong rtse'i khri thog tu gdan 'dren par blon po gzhan rnams kyi grogs su 'gyur ba'i mdzad pas ngo tsha khrel yod kyi gos dang ldan/ zhwa dmar chos kyi grags pa dang mchod yon bka' bgros nas yangs pa can gyi gtsug lag khang sde dang bcas