[A:175]dpal ldan 'bras spungs kyi chos sde chen po'i mjug chags rnams mdzad/ dpon grags pas tshal pa dpon mo jo mor blangs pa'i sras/ drung chen grags pa dpal bzang gis gong ma grags 'byung ba'i zhabs la gtugs/ stag sna'i dmag res byes gnyer dang / khrims las/ gsol dpon sogs las tshan rim par mdzad/ rgyal mkhar rtse'i sras mo skal bzang ma jo mor blangs kyang / bar skabs su re dogs ci rigs la brten rab tu byung / slar hor chas su bsgyur nas gong sas du dben shri'i las ka gnang / byang sbra thag 'then tshad kyi dpon du bskos/ rin spungs pa la mdzo rir jus nyes chen po btang bas dpa' grags che/ de'i sras drung chen dpal 'byor rgyal po/ dbang grags 'byung ba sku mched kyis rdzong dpon gyi las ka gnang/ bstan pa spyi dang khyad par rgyal ba btsong kha pa'i bstan pa la phul du byung ba'i bsti stang mdzad/ mnga' thang yang shin tu mtho bas/ 'bri grung rdo tham man/ kha rag rdo bug pa can yan/ yar klungs khra 'brug tshun zhes lam yig mdzad skad/ 'di nyid kyi sras/ ngag dbang bsod nams rgyal po/ ngag dbang bsod nams lhun po/ ngag dbang bsod nams rnam rgyal gsum las/ dang po chung ngu la grongs/ phyi ma gnyis kyi dus rin spung don yod rdo rjes dpung gi sbyor bas mnga' thang rnams shor ro// //
rgyal mkhar rtse pa ni/ sngon 'dod khams stod du dgra rgod ldang btsan bya ba/ stag lpags brgya'i thul pa gyon pa/ dred la sbar 'dzin byed pa/ khrom ge sar rgyal po'i mag pa byas pa'i bu tsha brgyud/ yon bdag 'bum nyeg bya ba'i sras slob dpon nam mkha' byang chub bya ba gsang sngags rdo rje theg pa'i sgo nas grub pa brnyes pa zhig gi sras slob dpon nam mkha' lhun grub/ de'i sras slon dpon nam mkha' bzang po/ de la sras brtson 'grus rdo rje/