[A:177]gcig dpal ma la nang chen kun dga' 'phags 'khrungs/ de la sras dpon mo mgon po sogs sras lcam sring mang du 'khrungs pa las/ bdag chen rab brtan kun bzang 'phags 'di nyid pho brang sne'u gdong rtser gong ma grags pa rgyal mtshan pa'i drung du byon/ gong mas sne'u gdong dga' ldan rtse'i rten gsum rnams kyi nang nas dpon rab brtan dang ji ltar 'dod pa zhig khyer gsungs pas/ thub dbang rdo rje gdan chung ma zhig zhus pas/ thugs nyams che ba'i grags pa byung / deng sang yang rgyal rtse'i li ma lha khang du bzhugs yod 'dug cing / gtsang du byon nas grogs po brgya rtsar rin spungs nam mkha' rgyal po'i dpung rnams spub ste mtshan jus legs pa byung / mkhas grub rin po che dang mchod yon du 'brel nas/ dpal 'khor bde chen gyi gtsug lag khang sde dang bcas pa btab/ sngags grwa pa rnams kyis dkyil 'khor mang po'i zhal 'byed dang / mdo grwa pa rnams kyis dbyar chos thog bka' pota rnams la rab 'byams grwa bskor gyi rgyun srol btsugs/ sku 'bum bkra shis sgo mang dang gos sku chen mo/ bka' 'gyur rgyun 'jags su bzheng ba sogs dbus gtsang gi sde dpon zhig la rnam dkar gyi mdzad pa 'di nyid che bar mngon/ 'di'i sras rab brtan bkra shis 'phags/ de'i sras don grub 'phags nas bzung ste bdag po phun sum pa yan chad du mnga' thang rgyun gnas shing / bar skabs su dus mi bde ba 'ga' zhig byung yang / gong ma sde srid nas rgyab gnyer mdzad pas skyon du ma gyur to// //
! sde pa 'ol kha ba ni/ drung chen bkra shis rgyal mtshan la sde srid gong ma grags pa rgyal mtshan gyis rdzong dpon gyi las ka gnang / chos rje bzang skyong pas nyi ma gling gi dgon pa 'debs pa'i sbyin bdag gi mthil mdzad/ rin po che'i khu bas bris pa'i bde bar gshegs pa'i bka'i glegs bu kha bas bskor