[A:178]ba'i ljongs su 'gyur ro cog bzheng ba sogs sku tshe'i stod la rgyal srid chos bzhin du bskyangs shing / rjes su rigs kyi sras nar son pa dang / chos rje rgyal tshab pa'i drung du bstan pa'i rtsa ba so sor thar pa'i sdom pa mnos/ 'ol kha dge sbyong chen por skye bo rnams gleng / de rjes nor bzang pa dang / rgya mtsho ba mched kyis srid bskyangs shing sde pa rgya mtsho ba la gong ma chen pos dmag dpon gyi las ka gnang bas/ gzhan sde 'joms pa la snying stobs kyi rtsal dang ldan skad/
de nas mkhan chen pas mchod khang dang / rje btsun mi pham mgon po'i sku'i snang brnyan bzheng ba sogs gong ma'i rgyun bzang po bzung / de rjes don yod rnam rgyal rdo rjes/ mkhas shing grub pa'i dbang phyug rje btsun nor bzang rgya mtsho zhes dang po'i sangs rgyas dpal dus kyi 'khor lo'i gzhung lugs sngon chad gangs can pa rnams kyis ma rtogs pa dang log par rtogs pa'i the tshom gyi dra ba mtha' dag drung nas 'byin pa'i shing rte chen po pa dang / thams cad mkhyen pa dge 'dun rgya mtsho rnams la gus mchod lhur len zhing / khyad par gsang ba mkha' 'gro'i sbas pa'i bsti gnas chos 'khor rgyal gyi 'dus sde rten dang brten par bcas pa la 'tsho ba'i yo byad bzang po gong 'phel du sbyar ba sogs dge ba'i las kyi shugs zad pa med pa'i ral gris mu mtha' med pa'i 'khor ba nags klung stug po'i mtha' dbral te/ sras phun tshogs rab brtan gshegs par brten/ zhal ngo'i brgyud ring bar ma byung yang / phyis su 'od gsal lha las babs pa'i sa skyong ba dang khyon gcig par gyur to// //
! yar rgyab pa ni/ chos kyi rgyal po srong btsan sgam po'i blon po thon mi sambho Ta zhes bya ba 'jam dbyangs kyi rnam par sprul pa/ sngar bod du yi ge'i srol med pa la/ rgya yig lnga bcu tham pa bod yig sum cur gtan la 'bebs pa'i