[A:16]yongs su bsgril bas lo brgya nyi shu'i bar du bzhugs so/ / deb sngon du nel pa paNTi ta'i lugs dang sba bzhed gtsang ma gung bsgrigs pa mkhas pa'i gsung yin kyang / nel pa paNDi tas nam mkha' las babs pa mi 'thad par smra ba ni blo chung gi gtam ste/ bstan pa'i dbu brnyes pa'i rten 'brel du 'phags pa'i gang zag gi sprul pa dang thugs rje bsam las 'das pas so/ / de rnams la btsan lngar grags shing bang so phying lung dar thang du btab bo/ /
btsad po de dang rno za mang po rje'i sras khri gnyan gzung btsan te bang so don mkhar mdar brtsigs/ de dang 'brong bza' mo dur yangs gzher la sras 'gro gnyan lde'u ste btsun mo mchims bza' klu rgyal ngan bu mtsho khab tu bzhes pas de klu'i rigs yin pas sbal pa'i ro mar khur btsos pa'i za ma'i rigs mdzod phugs su bzhag pa gzigs pas rnam par rtog pa'i dbang du gyur nas snyun du klu nad kyis thebs shing sras kyang dmus long zhig byung bas ming dmus long dkon pa bkra zhes btags pa la zhal chems su/
bsam pa bzang po gser dang 'dra ba ste//
bzang po'i gros ni bdud rtsi yin zhes nyon//
ngan pa rnams kyang me dang 'dra bas gsos//
mi chos rtog pa yin gyi rnam rtog skyungs//
khyod yab mes kyi gnyan po gsang bar mchod pa gyis/ 'a zha'i yul nas sman pa bos la mig phye/ mig ma byung na sum pa'i yul na bon po zhig gi chung ma rgya mo rgya lcam bya ba la nub cig 'grogs pa'i shag mo tsam pa la skyes pa'i sum ri ring mo bya ba yod pas de bos la gcen chol rgyal sar chug gsungs nas bang so zhang mdar brtsigs par yab yum gson por bzhugs