[A:193]khri phrag bzhi dang bcas pa ming gi lhag mar btang / shar phyogs rgya mtsho'i mtha' tshun mnga' 'og tu bsdus te chos srid gnyis ldan gyi sgo nas mnga' 'bangs rnams bde bar bskyangs/ rim gyis nyi ma dbus kyi rgyal khams su byon/ bsod nams kyi tshogs rgya cher spel ba'i dga' ston bsgrubs/ bod yul gyi rdo rje gdan ra sa 'phrul snang gi gtsug lag khang du/ rgyal phran kun gyi cod pan du bgrod byed zung nye bar 'god pa'i ngal sor mdzad pa'i chos kyi rgyal po chen po'i mtshan dang las ka sogs mngon par blangs te/ phyir lam gdan sa chen po dga' ldan rnam par rgyal ba'i gling du phebs/ de dgongs nyer bdun yin na'ang / srod kyi dus rde'u phra mo tsam yang mthong ba'i mun pa shin tu dkar ba byung bas/ bstan srid mtha' dag dkar 'jam du 'gyur ba'i rten 'brel 'grig de skabs bod dang bod chen po mtha' dag mnga' 'og tu chug pa'i mtshan ltas legs pa'ang 'ga' zhig byung 'dug glang lo'i dgun thog mtsho kar phyir byon/ de yang bar khams su be ri don yod kyis/ kun mkhyen bu ram shing pa'i rjes su zhugs pa mtha' dag la nye bar 'tshe zhing / bon kho na spel ba la brten/ sa yos hor zla lnga pa'i nang du be ri'i thog tu dpung tshogs rnams bteg mnga' 'bangs phal cher blangs/ lcags 'brug zla ba bcu gcig pa'i nyer lnga la/ be ri dpon po sogs mtha' btsan por bros pa rnams kyang / gang gis bsod nams kyi lcags kyu rnon pos/ khab len rdo ba dang lcags phye'i snang tshul ltar khrims kyi do ra chen por yongs su bcug mi bde ba'i rtsa rkyen mtha' dag gnas nas dbyung / sa dge/ kar 'brug stag lung pa sogs kyi bla dpon khrims dong du tshud pa rnams bton te rang gnas su bskyal/ 'jang rgyal po tshun chad kyi skye rgu rnams kyis nor gyi dpya khral phul zhing gus 'dud lhur blangs/ de nas dbus gtsang gi phyogs su dpung gi