[A:195]'du:
de lta'i bstan pa mi lo drug cu 'byung :
zhes pa 'bri gung pa dang phag gru'i bstan pa g.yag tsam las rwa co dang mjug ma lus pa'i tshod tsam gyi dus rtags dang gnas tshad bstan no/ / de yang rgyal ba btsong kha pa chen po'i thugs rje'i bdud rtsi gang gi gsang ba gsum gyi za ma tog tu bltams pas chos srid mtha' dag gser gyi 'khor los sgyur ba'i rgyal po'i dpal la 'gran pa 'di bzhin no/ / smras pa/
dbyangs gsal sdeb kyis sra bar bcings pa'i lcags ri'i khor yug dbus na mngon mtho glegs bu'i rin cen rdul mang brtsegs pa'i ba gam na//
'gal ba'i khur mang gya gyu'i tshul spangs legs bshad khams kyi dwangs ma kun bsdus tshar du dngar ba'i deb ther ri dwags mig can ma//
nyams 'gyur 'jo sgeg gar gyi rnam rol bcad lhug spel ma'i dbyangs bdun lhur len tshig don ma 'dres zur mig dbang gzhu ltar 'khyug cing //
mngon brjod u dum wA ra'i 'phreng mdzes gtam rgyud mgo skyes g.yon 'phyang ma 'di blo ldan brgya byin dag las gzhan gyi spyod yul min//
ka raNDa ltar ya rabs mchog gi spyod tshul snod du ca co'i ngag spangs khungs ldan lo rgyus dbus 'gyur ta la'i glegs bam ji bzhin rab gsal pa ri dzrA yi pusta ka//
kha dog tshig don ma 'dres lang tsho rnam par bkra ba'i cha shas