[A:196]yongs rdzogs snyan tshig bsil zer mdangs kyi tha gru kun khyab sgra 'dzin bdud rtsis pha rol shes ldan dga' ston che//
ga dza lha bu'i dregs pa'i blun po legs bshad skyes las ja chang btung ba 'ba' zhig don du gnyer phyir da lta'i dus kyi snang tshul 'di la ba glang spyod las gzhan mi brin//
nga zhes stobs nor snyems pas 'gying yang shes ldan rig pa'i nya gar gzhal tshe lci dang yang ba'i mtha' bral na ra'i dbus na g.yung por mthong bas ma dmad 'gro ba shin tu dkon//
tsa ko ra yi lus 'degs blo yis shes bya'i mkha' la bgrod tshe zha bo ji bzhin mthu dang bral yang ra gan gser gyi zol can 'ga' zhig gis//
tsha zer la sogs grang dro'i 'jigs pa khyad bsad bsgrubs rnams gtan bde za bar byed pa gor ma chag mod la lar 'di snang rnam dpyod tshul dang bral//
dza Ta'i cod pan chos rgyal med dbon 'khon rigs rlangs sogs grags snyan 'a 'ud srid pa'i rtse mo kun tu sha shi'i 'od 'dzin blo gsal tshogs rnams kyis//
wa ler sgrog 'dod sems kyis bskul bas bsngags brjod rgyud mang glu blangs ya mtshan dpal gyis skabs gsum pa rnams sa la blta phyir rgyu skar zol gyis lhags//
ha cang sa chen skyong ba'i chos ldan rgyal po a shwattha yi ljon pa'i dbang po dar ba'i mchog/
ha ri tsan dan dpung pa skyes kyi dbus mtho a ga ru yi rgyal phran kun gyis zla bral ba//
ha ri ka yi mgrin dbyangs khrims gnyis nga ros a mra'i yongs