[A:༡༩༦]ཡོངས་རྫོགས་སྙན་ཚིག་བསིལ་ཟེར་མདངས་ཀྱི་ཐ་གྲུ་ཀུན་ཁྱབ་སྒྲ་འཛིན་བདུད་རྩིས་ཕ་རོལ་ཤེས་ལྡན་དགའ་སྟོན་ཆེ༎
ག་ཛ་ལྷ་བུའི་དྲེགས་པའི་བླུན་པོ་ལེགས་བཤད་སྐྱེས་ལས་ཇ་ཆང་བཏུང་བ་འབའ་ཞིག་དོན་དུ་གཉེར་ཕྱིར་ད་ལྟའི་དུས་ཀྱི་སྣང་ཚུལ་འདི་ལ་བ་གླང་སྤྱོད་ལས་གཞན་མི་བྲིན༎
ང་ཞེས་སྟོབས་ནོར་སྙེམས་པས་འགྱིང་ཡང་ཤེས་ལྡན་རིག་པའི་ཉ་གར་གཞལ་ཚེ་ལྕི་དང་ཡང་བའི་མཐའ་བྲལ་ན་རའི་དབུས་ན་གཡུང་པོར་མཐོང་བས་མ་དམད་འགྲོ་བ་ཤིན་ཏུ་དཀོན༎
ཙ་ཀོ་ར་ཡི་ལུས་འདེགས་བློ་ཡིས་ཤེས་བྱའི་མཁའ་ལ་བགྲོད་ཚེ་ཞ་བོ་ཇི་བཞིན་མཐུ་དང་བྲལ་ཡང་ར་གན་གསེར་གྱི་ཟོལ་ཅན་འགའ་ཞིག་གིས༎
ཚ་ཟེར་ལ་སོགས་གྲང་དྲོའི་འཇིགས་པ་ཁྱད་བསད་བསྒྲུབས་རྣམས་གཏན་བདེ་ཟ་བར་བྱེད་པ་གོར་མ་ཆག་མོད་ལ་ལར་འདི་སྣང་རྣམ་དཔྱོད་ཚུལ་དང་བྲལ༎
ཛ་ཊའི་ཅོད་པན་ཆོས་རྒྱལ་མེད་དབོན་འཁོན་རིགས་རླངས་སོགས་གྲགས་སྙན་འ་འུད་སྲིད་པའི་རྩེ་མོ་ཀུན་ཏུ་ཤ་ཤིའི་འོད་འཛིན་བློ་གསལ་ཚོགས་རྣམས་ཀྱིས༎
ཝ་ལེར་སྒྲོག་འདོད་སེམས་ཀྱིས་བསྐུལ་བས་བསྔགས་བརྗོད་རྒྱུད་མང་གླུ་བླངས་ཡ་མཚན་དཔལ་གྱིས་སྐབས་གསུམ་པ་རྣམས་ས་ལ་བལྟ་ཕྱིར་རྒྱུ་སྐར་ཟོལ་གྱིས་ལྷགས༎
ཧ་ཅང་ས་ཆེན་སྐྱོང་བའི་ཆོས་ལྡན་རྒྱལ་པོ་ཨ་ཤྭཏྠ་ཡི་ལྗོན་པའི་དབང་པོ་དར་བའི་མཆོག།
ཧ་རི་ཙན་དན་དཔུང་པ་སྐྱེས་ཀྱི་དབུས་མཐོ་ཨ་ག་རུ་ཡི་རྒྱལ་ཕྲན་ཀུན་གྱིས་ཟླ་བྲལ་བ༎
ཧ་རི་ཀ་ཡི་མགྲིན་དབྱངས་ཁྲིམས་གཉིས་ང་རོས་ཨ་མྲའི་ཡོངས་