[A:199]gser mngal stobs la rmugs 'dzin 'byor pa'i mdzod//
gcig tu bsdus 'dra'i srid kun dge phyogs su//
bsgyur bas rnam smin dkar po'i thigs pa 'bum//
'dzag byed dam pa'i spyod tshul rmad du byung //
mthon po'i mnga' thang phun tshogs dpal 'byor kun//
bkod pas khyad 'phags rnam dpyod dbyar rnga'i sgras//
che ba'i rnam thar bzang po'i gtsug phud can//
ya rabs dga' ston rnam bkra'i gshog rlabs ngom//
kye ma thos bsam bdud rtsi yal bor nas//
ngan g.yo zang zing rnyogs pa'i bza' btung gis//
lto ba khengs pa'i dregs ldan mthon po'i khrir//
'dzegs kyang tha ga pa dang khyad par ci//
ya rabs tshal du rigs rus cho 'brang gi/
yongs 'du'i ljon pa rgyas pa rmad byung yang //
che ldan bya ba'i spyod tshul mi shes na//
gser skyogs snod du ngan skyugs blug dang mtshungs//
mkhas dang grub pa'i skye bar khas 'che nas//
'chad rtsod rtsom pa'i blo gros mthu dman na//
gnod sbyin nor la spyod pa tshe 'phos nas//
dbul po'i khyim du skyes dang khyad par ci//
mi 'dzad stobs 'byor gter la mnga' bsgyur yang //