[A:18]kyi 'dod rgu rnam par bkra ba'i sde bzhi'i 'bras bu zad mi shes pa'i bdog pa ris su ma chad pa'i 'gro ba kun la gtong ba'i phyag ring du brkyangs pa'i dge mtshan du che ba'i mi rje srong btsan sgam po ni/ bka' gdams glegs bam las/ 'di nas skye ba gzhan gyis ma chod par/ / bod khams mgon med yul du bde bar song / / bod ni rgyal po dag la tshad mar byed/ / ces dang / thang yig tu/ kha ba can du gnam ri zhes bya'i rgyud/ / srong btsan sgam po zhes bya rgyal bur skye/ / zhes sogs dri ma med pa'i lung bstan gyis bsngags pa ltar/ yab rgyal po gnam ri srong btsan dang / yum tshe spong bza' 'bri ma thod dkar gyi sras su/ kun mkhyen nyi ma'i gnyen zhi ba chos dbyings su mya ngan las 'das nas lo stong dang lnga brgya nyag ma brgyad 'das pa/ 'gal ba zhes pa sa mo glang gi lo la pho brang byams pa mi 'gyur gling du sku 'khrungs/ dgung lo bcu gsum bzhes pa na yab kyi 'jigs pa med pa'i seng ge'i khri la stobs kyi 'khor los sgyur ba'i rgyal por dbang bskur ro//
de'i tshe rgyal po'i thugs dgongs la/ ngas kha ba can pa'i 'gro don byed pa la dbang bskur ba po zhig byung na ci ma rung snyam du dgongs pa'i tshe/ dpal kun tu bzang pos rin po che'i bum pa lha'i bdud rtsi'i chus gang bas sku khrus gsol zhing / a mi de was rgyal po'i dbu la reg nas dbang bskur bas brjod par dka' ba'i sprul pa sna tshogs 'gyed pa dang gzigs pa sogs ngo mtshar ba'i mtshan ma mtha' klas par gyur te/ po ta la'i ri 'di'i rtse la pho brang btab nas bzhugs na mtha' bzhi'i gus ldan gyi rgyal po thams cad kyis rang dbang med par gus pas 'dud pa'i dbang phyug brgyad kyi yon tan mtha' dag lhun gyis grub par dgongs nas bshul du zhugs te ge re'i 'phred du phebs pa na/ yig drug rang byon zhal gzigs nas sku khrus gsol zhing gsol ba btab pas/