[A:32]rje btsun phyag na padmo dang jo mo sgrol ma gnyis phan tshun du thugs rje'i 'od zer gyis bskul ba'i mthus/ bod khams kyi don du gshegs par gzigs/ rgya nag pa rnams kong jo bod kyi sprul pa'i rgyal po'i btsun mor 'khyer bar mngon/ bod 'bangs rnams kyis ni/ dpa' mdzangs 'phrul ldan gyi blon po mgar sogs rgyu rje'i pho brang du lha gcig spyan 'dren pa'i rten tu bai DUraya'i rmog dang bcas te mngags pa rgyal khab tu sleb pa dang / rgya rje yab yum sras lha gcig dang bcas pa mtha' dag bod la ster ma 'dod pa'i bsnyad du/ rgyal po chen po gzhan zhig la ster bar gros mthun kyang / nang gses kyi yab chos la dgyes/ yum longs spyod 'dod/ sras dmag la dga'/ lha gcig gzugs yid du 'ong ba la 'dod pa'i dbang gis pho nya so sor mngags pas/ rgya gar chos kyi rgyal po/ stag gzig nor gyi rgyal po/ ge gsar dmag gi rgyal po/ gzugs mdzes khrom gyi rgyal po bzhi'i blon po lnga brgya yang lha gcig spyan 'dren pa'i ched du/ rgya rje'i pho brang du sleb pa las/ rgya thams cad bod la mi dga' yang / khrims la nye ring mi btub pa'i dbang gis blon po rig pa su rno ba zhig la ster bar byas te/ btsan po'i bla g.yu phub tsam la mig gcig mtha' na yod cing mig gcig dkyil na yod pa nang gi mig kyang phub kyi spa rim ltar yod pa'i khyad 'phags shig yod pa de gtad nas mig tu dar yug sus tshud la sbyin no zer bas/ blon po gzhan rnams kyis nyi ma mang po'i bar du thabs sna tshogs byas kyang ma tshud par/ mgar gyis rgya'i grog ma gzan gyis gsos pa'i mthe bong tsam zhig gi sked pa la dar skud dang / de'i sne la dar yug btags te dbus kyi mig tu bcug nas phus btab pa mthar 'thon te lha gcig gnang bar zhus kyang / bod la ster ma 'dod pa'i bsnyad kyis/ de tsam gyis bya ba ma rdzogs pa skad du/ bya ma brgya bu brgya/ shing zlum po rtsa rtse/ nyin gcig mi res lug