[A:31]chos kyi rgyal po srong btsan sgam po ni//
byang chub sems dpa'i sprul pa mi drug ldan//
yod tan dpag tu med pa'i rgyal po yin//
zhes spro ba bsrings nas/
bu tsha yig tshang slob cing dge ba dag la sbyar//
dkon cog dbu 'phangs bstod cing dad dang gus pa skyed//
chos 'khor gtsug lag bzhengs shing gnas grar dge gnas tshugs//
sangs rgyas sku gzugs bzheng zhing dam chos gzhung yang bris//
thos bsam sgom pa bya zhing dam chos nang du spyad//
dge 'dun rnyed bkur bya zhing dam tshig sdom pa srungs//
dam chos dus dran byas la de ring nyid nas 'bad//
chos la long yod mi sems tshe 'dir chags mi bya//
skyabs chen lha ru gzung la dkon cog skyabs 'gro bya//
las dang 'bras bu sems la sdig spong dge la 'bad//
'khor ba'i nyes dmigs bsam la nges 'byung blo gtad bya//
'khor ba'i nyon mongs spangs shing de yi gnyen po sten//
byams dang snying rje bsam la byang chub sems kyang skyed//
byang chub spyod pa spyad cing theg chen lam bgrod bya//
de ltar byas na bkra shis dge bar 'gyur//
gtam gyi mtha' ma yin no bu mo de ltar mdzod/
ces sogs chos dang srid la mkho ba'i zhal gdams mang du gsungs nas bod kyi rgyal po'i btsun mo rin po cher brdzangs so/ / dus der mthong snang gsum byung ba ni/ phyogs bcu'i bde gshegs byang sems rnams kyi gzigs ngor/