[A:39]'dug pa las/ 'o thang gi mtsho 'di srin mo'i snying khrag dmar lcags kyi ri 'di snying gi rus pa'i rnam par 'dug na'ang / mtsho'i steng du shAkya mu ni bzhugs pa dang / ri'i rtser rgyal po'i pho brang yod pas non cing / de dag gi mtha' skor na sa dpyad skyon yon gnyis las/ yod tan ni/ shar na mchod sdong btsugs pa 'dra ba/ lho na rin po che'i mchod rten 'dra ba/ nub na manydzi'i steng na dung phor bzhag pa 'dra ba/ bang na padma kha phye ba 'dra ba ste/ khyad par du 'phags pa'i ri bzhi/ de'i nang bskor du nyang bran 'phan dkar gyi ri la gdugs/ mal grong gi ri la nya/ mdongs mkhar gyi brag la padma/ grib kyi 'khyags rum la dung / rdzong btsan gyi ri la bum pa/ yug pa'i ri la dpal be'u/ 'phan dkar gyi ri la rgyal mtshan/ brang phu'i brag la 'khor lo ste bkra shis pa'i rtags brgyad/ lcags kha ri/ shug pa gdong / ra kha brag jo mo ze rnams la gser dngul zangs lcags kyi gter kha/ shar gyi stag dga' gdong 'og ma/ lho'i g.yu 'brug gtsang chab/ nub kyi bya rti bu gdong / byang gi rus sbal pha bong kha/ mdor na gnam la 'khor lo rtsibs brgyad dang / sa la padma 'dab brgyad de gtsug lag khang rtsig pa'i yon tan phun sum tshogs pa yod la/ 'on kyang skyon ni/ shar bye ma'i ri la srin mo 'doms bzed pa lta bu/ lho na sdig pa gzan la rub pa 'dra ba/ nub shun gyi brag la bdud bya ra byed pa lta bu/ byang nyang dogs kyi bar na glang po che g.yul du zhugs pa lta bu'i ri/ shar lho mtshams na btsan gyi rgyu sa/ lho nub mtshams na 'dre'i 'du phung / byang na ma mo'i nyal sa/ gzhan yang skum pa ri la chu srin dre'u khrid pa 'dra ba/ gnam sgo phye ba gnam ral gri 'dra ba/ sa sgo phye ba phag pa'i sna 'dra ba sogs sa dpyad ngan pa rnams gnon par byed pa'i thabs su/ thog mar rgyal po yab yum gsum gyis skyid shod nyang bran pha bong khar sgrub pa mdzad nas/ sgrub pa'i