[A:38]mgar gyis khri btsun la/ kong jo spor thang gi rtsis la mkhas pa'i dbang gis gtsug lag khang gi sa dpyad sogs 'dri dgos pas/ rgyal po dang mjal du bcug pa 'thad ces gros btab nas/ mjal 'phrad kyi dga' ston 'chi ba med pa'i dpal la 'gran pa byas pa'i dus su/ bal bzas/
rgya mo 'un shing kong jo khyod//
dka' las byas nas snye bos bkug/
bod kyi yul du byon na yang //
nga ni snga bas chen ma yin//
zhes sogs smras par/ kong jos/
'gran pa'i 'gran sems med mod kyang //
khyod kyis 'gran no zhes smras pas//
them pa snga brgal chen ma khyod//
lha khang rgya mtsho'i stengs su bzhengs//
zhes sogs kyi lan brjod pa'i chen chun gyi gtam byung skad/ de nas lha gcig khri btsun gyis btsan po la lha khang rtsig pa'i gros zhus pas/ khyod rang gang legs su brtsigs shig gsungs pa ltar/ la gdong gi ne'u'i khar brtsigs par mtshan mo lha 'dres bshigs pas/ g.yog mo zhig la gser phye bre gang bskur nas/ kong jo la rtsis byed par zhus pas/ spor thang brgyad cu skor gyis steng nas brtsis pas/ kha ba can gyi yul 'di srin mo gan rkyal du 'gyel ba lta bur