[A:42]
de nas lha khang rtsig par mngon du phyogs pa na lho nub gla ba'i tshal na lha ma srin rnams 'tshogs te/ 'dre sgang po bdud mi zan bya ba gcig na re/ buddha dharma saM gha zer ba rnams la skyabs su 'gro ba'i srog gcod/ sngar brtsigs pa'i lha khang bshig chos byed zer ba la rims nad dang / bod khams su lo nyes gtong ba'i mdun ma byed pa rgyal pos gzigs nas/ rang byon thugs rje chen po la gsol ba btab pas/ jo bo bzhad pa'i zhal nas 'od zer byung ba mer gyur/ khros pa'i zhal nas 'od zer byung ba rta mgrin dang bdud rtsi 'khyil par gyur/ khro bo me dang bcas pa skar mda' 'phangs pa ltar song 'dre'i 'du phung bshig nas/ dus mtha'i rlung dang me'i shugs la 'god par nus pa'i rdzu 'phrul gyis gdug pa can mtha' dag phyi'i rgya mtsho'i pha rol tu bskrad/ zla ba tshal gyi brag la snang ba mtha' yas/ kha sarpa Ni/ rta mgrin gsum rang byon du byon pa ji lta ba bzhin bal po'i lha bzos gsal bar brkos so/ / de nas rgyal pos sprul pa mtha' yas pa bstan te char zim bu 'bab pa'i na bun gyi 'phreng ba 'khrigs pa'i ngang du gtsug lag khang rnams brtsigs nas/ nang par sprul pa rnams kyis shing bzo byed pa'i skabs/ khri btsun rang gis zhal skyem 'dren du byon pa la/ g.yog mos sgo srubs nas bltas pas/ dar thod can gzhan las che ba zhig la 'dren gyi 'dug pa mthong bas/ sprul pa kho nar 'dug ces bgad pas/ rgyal po spyan yengs nas ste'u kha thal bas seng ge brgya'i sna bcad/ gzong kha thal bas bug pa brgya phub/ sog le kha thal bas ka ba brgya'i zur nyams skad/ de'i mtshan 'og khang gi thog phub/ de nas khri btsun gyis bal yul nas bzo bo mkhas pa du ma bos nas/ steng khang rnams bzhengs pa dang dus mtshungs par kong jos rgya'i bzo bo mkhas pa rnams bkug nas ra mo che'i gtsug lag khang bzhengs te/ thugs rje chen po 'jig rten