[A:43]dbang phyug yab yum gyi ye shes sgyu mas sprul pa'i gtsug lag khang chen po rdzogs par grub nas/ ji srid rta bdun gyi dbang pos gdung byed kyi yul de srid skye rgu kun la phan pa dang bde ba bla na med pa 'byung ba'i sgo dam pa mdzad do//
de nas rgyal pos 'phrul snang gi gtsang khang byang ngos su rang byon thugs rje chen po gtso 'khor spyan 'dren pa'i sta gon mdzad pas/ mtshan phyed la pho brang gi mthongs khung nas gshegs te gtsang khang byang mar phebs/ nang par rgyal po 'khor bcas kyis lha rnams spyan 'dren pa'i bya ba la zhugs pa'i tshe sku rnams mi snang bas the tshom du gyur pa na/ sprul pa'i ne tso zhig gis sngar gyi rgyu mtshan rnams brjod pas don la gnas par gda' bas rgyal po dgyes te/ lha dang mi las khyad par du 'phags pa'i dngos bshams yid kyis sprul pa'i chu 'dzin gyi 'phreng ba mtha' klas par 'khrigs pa las/ mchod pa'i gru char mi zad pa'i bdag nyid can gyi legs byas kyi myu gu skal bzang skye rgu'i dpyid du smin par mdzad do/ / de nas ra sa'i gtsug lag khang gi gtsang khang dbus mar de bzhin gshegs pa mi 'khrugs pa gtso 'khor dgu/ gtsang khang g.yas la sangs rgyas snang ba mtha' yas gtso 'khor dgu/ gtsang khang g.yon du byams pa chos kyi 'khor lo gdan drangs te 'khor du sgrol ma brgyad/ gtsang khang lho na jo bo mi bskyod rdo rje gdan drangs pa'i 'khor du khro bo dang gnod sbyin stobs ldan gyis bskor ba/ gtsang khang byang du rang byon thugs rje chen po gtso 'khor gsum gyi steng du yi ge drug pa/ don zhags/ kha sarpa Ni/ 'jig rten dbang phyug rta mgrin/ bdud rtsi'i 'khyil pa rnams bzhengs/ klu sbrul mgo nyi shu/ dga' bo/ 'jog po/ gnod sbyin nA ga ku be ra/ dri za zur phud lnga pa/ dpal lha mo rnams so sos bskul ba bzhin bzhengs/ gzhan yang bon dang sgrung gi gtam rgyud las byung ba'i bkod pa mtha' yas pa yang bri bar