[A:44]mdzad/ ra mo cher shAkya mu ni gtso 'khor rnams bzhugs su gsol te/ thugs rje chen po 'jig rten dbang phyug gi rmad du byung ba'i zhing khams dam par bde bar gshegs pa zhi ba dang khro bo'i lha tshogs rnams kyi dkyil 'khor gyi 'khor lo kun gsal bu mo'i 'gram par rlung gi rgyal mtshan gyis 'khyud pa ltar rnam par bkra zhing / mdzes sdug rngam marjid kyi rnam 'gyur grangs med pa 'dren byed kyi yul du chog mi shes pa ston par mdzad pa'i mchog gsum dam pa'i sku brnyan gyis gang ba'i ra sa 'phrul gyi gtsug lag khang zung la rab tu gnas pa'i dga' ston gyis mchod pa'i yo byad bkod pas khyad par du 'phags pa bshams nas/ chos rgyal yab yum blon 'bangs rnams kyis phyag tu me tog gi 'phreng ba bzung ba dang bcas bden tshig gi smon lam rgya chen po'i rta bdun gyi drangs pas/ bde stong gnyis med zung du 'jug pa'i 'gyur ba med pa mchog gi dbyings las/ rang snang lhun gyis grub pa'i gzhal med khang chen po nas/ bde bar gshegs pa zhi khro rab 'byams kyi nyin byed dbang po 'gog pa med par rgyu bas/ mtha' 'khob bsil ldan gyi sa gzhi kun la/ rgyal ba'i bstan pa padma dkar po'i 'dab brgya rnam par rgod pas bod 'bangs ra yig gnyis pa'i tshogs kun dga' ba'i gar dang snyan pa'i dbyangs kyi nga ro srid rtse'i bar du sgrogs par gyur to// smras pa/
ma smad legs byas mngal gyis lci ba'i khur//
ngo mtshar snying po ye shes sgyu ma'i gar//
phan bde zla shel gsar pa'i ga pur thigs//
'bum phrag 'dzag pa'i rnam par dkar ba'i rgyun//
gcig tu bsdoms pa'i ke la sha yi chus//
srid 'dir 'khor ba'i ma rig dri ma'i tshogs//