[A:45]drungs nas phyung byed lha ldan yid bzhin dbang //
bde legs snang ba'i gzi byin 'od du 'bar//
de phyir rna ba brgyad pa pad dkar mig/
mgrin sngon mig stong can sogs 'chi med rnams//
snyim par rmad byung mchod pa'i tshogs rnams kun//
thogs te lha lam khyon kun dog por 'god//
de nas rgya bza' dang bal bza' gnyis la sras ma byung bar/ ru yong bza' dang / zhang zhung bza'/ mong bza' khri lcam rnams khab tu bzhes par/ sngon ma gnyis la sras ma byung bar/ brag lha dang / thim bu lkog gi lha khang bzhengs/ mong bza' la sras gung ri gung btsan 'khrungs/ yum sras gnyis kyi rten skal du 'phags ma sgrol ma'i dbyibs can gyi ri/ dpal gyi yer pa'i lha khang bzhengs/ lo bcu gsum lon tshe rgyal sar dbang bskur/ btsun mo 'a zha bza' kho 'jo mong rje khri dkar ti shags bya ba khab tu bzhes pas sras mang srong mang btsan 'khrungs/ gung ri gung btsan dgung lo bco brgyad lon nas gshegs/ bang so don mkhar mdar brtsigs/ slar yab rgyal pos rgyal srid bzung ste/ mi bsrun pa'i skye bo rnams yang dag pa'i khrims la 'jug pa'i slad du/ mi 'ga' zhig gi mig bton pa dang / mgo lag bregs pa sogs lcags ri'i kha na rgyun mi chad par sprul pa'i dus/ thugs rje chen po bod kyi rgyal por yod pa'i lung bstan byung ba la brten nas/ ched du 'ongs pa'i li yul gyi dge tshul gyis/ khrims bcad pa'i mgo lag mthong bas/ log lta skyes pa bsal phyir a mi de wa bstan cing dam pa'i chos kyis tshim par mdzad nas/ skad cig la li yul du sleb pa'i rdzu 'phrul mdzad pa dang / khra 'brug