[A:46]gi mchod rten rtse lnga'i drung na rab byung gi rtags can hrul po zhig la phyag mdzad nas/ nga bod kyi rgyal po zhig gis bstan pa la bsams te khyod la phyag btsal ba ngo mtshar ram gsungs pas/ rab byung des mchod rten sor mo'i rtse la blangs te 'di ngo mtshar ram zer bar/ lan du rgyal pos a mi de wa bstan pas/ btsun pas gri gug gis brang kha phye nas sangs rgyas sum cu rtsa lnga bstan pa sogs dpag par dka' ba'i rdzu 'phrul mdzad cing / rgyal pos kyang ka ba shing lo can na chos gter/ seng ge lag zan dang sbrul mgo can la drag sngags/ bum pa can la rin po che'i gter/ klu khang na klu gter dang rin po che ratna de wa/ dkyil 'khor 'og la rin po che stag sha chu dar gyis bsgril/ sbrul lpags kyis gtums pa/ them pa'i nye skor na bai DU raya'i lhung bzed rnams sbas/ skal ldan rnams la thugs rje chen po/ rta mgrin/ gshin rje'i gshed sogs yi dam gyi lha mang po'i zab chos dang / ma 'ongs lung bstan/ rje 'bangs yongs la zhal gdams mtha' yas pa stsal pa phal cher yi ger btab nas/ rgyal po'i bka' bzhin blon po rnams kyis gter du dkor mdzod dang rta mgrin gyi zhabs 'og tu sbas so//
de nas thun mong zhes pa lcags pho khyi'i lo la las can 'ga' zhig gi snang ngor chos rgyal yab yum gsum gtsang khang byang mar byon nas gsum ka 'od kyi gong bur byas te thugs rje chen po'i thugs kar thim par/ mong bza' khri lcam gyis/ rgyal po yab yum gsum de ltar mdzad na/ nged bod 'bangs rnams ji ltar byed ces smre sngags bton pas/ thugs rje chen po'i thugs ka nas rgyal po dang / nu ma gnyis nas khri btsun dang kong jos dbu nyug mdzad de zhal gdams 'ga' zhig gsungs so/ / de nas da lta'i rab byung bcu gcig pa'i chu lug 'di yan la lo dgu brgya dang sum cu rtsa gnyis song / de nas