[A:3]
li khri'i lcug phran mkhyen pa'i snang ba can//
'jam mgon blo yi lang tsho bzang po'i tshon//
kha dog so sor bkra ba'i grags pa'i rgyan//
phyogs bral rna lung 'god mkhas rtag tu rgyal//
dpal ldan chos kyi rang bzhin ngos yangs par//
gnas lnga'i bang mdzod 'byor par lhun grub pa'i//
mnga' sgyur bgrod byed bandhu dzI wa ka/
rmad byung cod pan mchog tu rnam par bsngags//
rgya hor lung dang rigs kyis mngon mtho zhing //
bka' khrims gser 'khor mchog dman gnya' gnon pa'i//
sa skya 'jam mgon dpal ldan rlangs kyi gdung //
chos ldan sa skyong rgyal por su mi dad//
smra ba'i 'bab stegs mdud pa'i rgyar bcings kyang //
mthon po'i khri la dregs pas 'gying min pa'i//
legs bshad gtam gyi 'byung gnas blo ldan can//
gang du gnas kyang dang ba'i spro ba 'phel//
ya rabs dam pa'i spyod tshul pad dkar tshal//
ches cher bdo ba snyigs ma'i bsil zer gyis//
zum pa'i dus 'dir deb ther gtam rgyud sogs//
brjod pa rang nyid ngal ba'i rgyu ru zad//
khyad par bcu phrag rig pa'i chu gter che//