[A:4]
blo gros gzings kyis sgrol 'dod rig byed pa//
shes bya'i tshul la ma sbyangs bstan bcos dag/
rtsom par rings pa'i tshul la yid mi gtod//
'on tang stobs kyis yangs pa'i nor 'dzin la//
'khor los sgyur ba'i bka' yi dri bzhon gyis//
deb ther rdzogs ldan gsar pa'i dga' ston mgron//
'bod byed ma la ya yi rgyud 'di spro//
shis pa brjod pa'i dbyangs kyi nga ro tampu ra'i ltud las nye bar drangs te/ bla na med pa'i ye shes kyi bdud rtsi zad mi shes pa'i 'byung gnas za ma tog dbang gi rgyal po rmad du byung ba'i thugs kyi gsang mdzod dpal be'u'i mdzes rgyan du spud pa'i bskal pa bzang po 'di'i 'dren mchog stobs bcu mnga' ba stong gi mi ltung 'phreng ba'i dbus nas chu shel dbang po'i dkyil 'khor nya gang ba lta bur mngon par 'phags shing / mda' yis bcings pa'i rlabs po che'i smon lam gyi mthu phul du byung ba'i bden stobs dri ma med pas pad dkar lta bur bsngags pa'i dbyangs kyi rgyal mo'i rnga bo che srid pa gsum gyi khor mo yug tu brdung ba'i rgyal ba bu ram shing pa 'di nyid kyi bstan pa rin po che ni lha dang bcas pa'i 'gro ba'i legs byas grangs med pa'i zong gis bsgrubs pa'i phan bde kun gyi rtsa lag ste/
! de yang 'byung zhing 'phel ba dang / yar ldan du rgyas pa'i byed po ni yangs pa'i nor 'dzin gyi khyon la mnga' sgyur ba'i rgyal po chen po zhig la rag las pas na/ 'o skol gyi ston pas kyang rigs dang / yul dang / dus dang / brgyud dang / bud med de gzigs pa lnga la gzigs nas/ zas gtsang gi sras su