[A:54]hor gyi dge slong shanti rakShi spyan drongs shig ces zer ba yid la bzung nas hwa shang gcig khrid nas bod du 'ongs pa na/ ma zhang sogs kyis rgyal po sku tshe thung ba dang bkra mi shis pa chos kyis lan pas chos byar med pa'i khrims bcas te/ shAkya mu ni rgya yul du skyel ba'i thabs byas kyang ma theg par sa 'og tu sbas/ 'phrul snang du bshas ra byas/ dus der sna rnam khri thog rje thang lha 'bar bya ba rgyal bas/ lcog ro skyes bzang rgyal mgo byad bskams nas shi bas/ ltas mkhan dang mi phal cher gyis lha sa 'og tu sbas pas lan zer bas/ skyid grong du bskyal/ brag dmar mgrin bzang bshig 'dug pas/ sang shis rgya'i glegs bam rnams mchim phu'i rdza la sbas/ hwa shang slog skabs der sba gsal snang gi bu mo shi ba/ hwa shang gis ro'i khar mu tig mtshal gyis byugs pa'i mtshan ma byas bcug nas ma'i mal 'og tu sbas/ bu mo ma'i bur skye ba'i lung bstan pa bzhin btsas pa'i skabs su kha na mu tig byung bas/ tshe phyi ma yod pa'i nges pa rnyed nas/ gsal snang chos kyi ched du lho bal du 'gro bar rje la gsol pas mang yul gyi khang dpon du brdzangs/ sba bzhed du/ gsal snang mang yul du song ba'i rjes su sang shi rgya nag nas 'khor bar bshad 'dug pa dang / dpa' bo gtsug lag kyang de'i rjes su 'brangs na'ang / gong 'og tshig gi 'gal 'du yod med ma brtags pa'i bab col te/ hwa shang ni rgya'i chos ston pa'i slob dpon yin zhing / chos khrims bshig pa'i don gyis ra mo che'i hwa shang sogs bod na yod pa kun phyir bskrad zin/ gsal snang gi bu mo bur skye ba'i lung bstan byed pa po de sang shis gsar du khrid yongs pa'i hwa shang der ngos 'dzin dgos pas/ snyigs dus kyi mkhas pa kun gyi gtsug gi nor bu gzhon nu dpal ba'i deb sngon dang / shes bya kun la gzigs pa'i spyan ldan sprul sku ngag dbang nor bu'i chos 'byung bstan pa'i padma rgyas pa'i nyin byed du/