[A:5]bltams par mdzad pas/ thog mar 'di nyid kyi gdung rabs cung zad brjod par bya ste/ 'phags pa'i yul gyi mi phal che ba 'chi med kyi gnas nas chad pas/ gzhal du med pa'i tshe dang 'dod rgu la longs spyod cing mtha' yas pa'i yon tan du ma la dbang 'byor pa'i tshe/ 'bad rtsol gyi mthu la rag ma las pa'i bdud rtsi sa'i bcud dang / sa'i zhag myu gu'i tshal/ ma rmos pa'i 'bras sa lu rnams la longs spyad pas/ lha las chad pa'i yon tan phal cher las gzhan du gyur cing / ma rmos pa'i 'bras kyang rnam par g.yeng ba'i gzhan dbang du gyur pa zhig gi byed pa la brten/ so nam gyi bya ba la brtsams pas/ phan tshun du rtsod pa dang mtshang 'bru ba byung ba rnams la drang po'i thig gis gcod pa'i zhal lce bar/ kun gyis bkur zhing 'dud pa las/ mang pos bkur ba'i rgyal po zhes rgyal po la snga bar grags shing / de nas rim bzhin 'od mdzes/ dge ba/ dge mchog gso sbyong 'phags te sngon gyi rgyal po sde lngar brjod la/ gso sbyong 'phags kyi spyi bor sha rmen zhig byung ba las nga las nu/ de'i brla g.yas par sha rmen zhig byung ba las mdzes pa/ de'i brla g.yon par sha rmen zhing byung ba las nye mdzes/ de'i rkang pa g.yas par sha rmen zhig byung ba las mdzes ldan/ de'i rkang pa g.yon par sha rmen zhig byung ba las nye mdzes ldan te/ 'di lnga la 'khor los sgyur ba'i rgyal po lngar grags shing / phyi ma bzhis ni gling bzhi nas gcig gi bar la dbang sgyur bas/ gser dngul zangs lcags kyi 'khor los sgyur ba'i rgyal po yin no/ /
rgyal po 'di dag nas rim par brgyud de zas gtsang yan chod du sa ya chig 'bum nyi khri chig stong lnga brgya bcu bzhi byung bar grags la/ 'jig rten gdags par/ rgyal po 'bum phrag brgyad sum khri bzhi stong lnga brgya sum cu rtsa bzhi yod par bshad pa'i lugs gnyis ka snyigs dus kyi lo rgyus smra ba kun gyi gtsug rgyan/ gzhon nu dpal gyis 'dren par mdzad pa las gsal bar ma