[A:65]mthu phul du byung ba'i ngo mtshar ba'i rtags kyi grags pa'i rna rgyan phyogs bral gyi rna ba'i lam du dog por 'geng bar mdzad do/ / de nas gtsug lag khang gi srung mar mkhan slob chos gsum bka' bgros te/ rgyal po'i dmag gis bha ta hor gyi sgom grwa bcom pa'i ka ca'i rjes su dpe har 'brangs te byung bar dkor srung bcol/ 'ga' zhig tu mkhan slob chos gsum gyis pho nya 'phrin yig mngags pa ltar/ g.yu'i thub pa/ bse 'bag za hor rgyal rigs dharma pA la rnams kyis sna drangs pa'i rjes la dpe har byon par bshad pa 'di skye 'gro rnams la smyo 'bog sogs 'tshe ba che drags par/ slob dpon gyis ar la gtad pas bha ta hor gyi yul du bros par bshad pa dang go rim 'grig par mngon no/ / smras pa/
mdo rgyud chos phung yan lag brgyad ldan chab//
mkhas grub lo paN gangs ri'i zhal sgo las//
'ongs pa'i glegs bam dal 'gro'i mdza' na mos//
rgyal bstan rtsa lag mi phyed dam du 'khyud//
skyon bral rten bzang rgyud kyi zhing sa la//
myang 'das sems kyi sa bon gsol bzhi'i brlan//
rnam par bzhad pas tshul khrims myu gu'i 'bras//
mngon mtho'i dpal yon bla na spel bar shis//
gsang sngags mthu grub rje 'bangs nyer lnga yi//
brjod bral blo las 'das pa'i rdzu 'phrul gyis//
'phags yul grub pa'i dbang phyug dam pa rnams//