[A:66]'brog dgon dben pa'i gnas su yibs sam snyam//
re zhig nas rgya'i hwa shang ma hwa ya na bod du 'ongs te/ lus ngag gi dge ba byas pas 'tshang mi rgya/ ci yang yid la mi byed pas 'tshang rgya zer nas sgom bslabs pas bod 'bangs mang po log pa'i lam la khrid/ btsan po yang bkas bcad dka' bar gyur kyang mkhan po'i gsung dran te/ rgya gar nas ka ma la shI la gdan drangs pa bzhin byon te/ twon rtsen rtsod pas hwon mun pham ste hwa shang rgya yul du brdzangs/ de'i lugs mi byed par bkas bcad/ ka ma las sgom rim gyi bstan bcos brtsams/ sba bzhed du/ btsan pos rgya'i chos 'di min nam byas pas twon mun dang / lus la me gtong ba'i brtse ba de chos 'di min nam byas pas brtse min par grags par bshad pa ni lhad zhugs pa'i blun tshig gi rtog btags las rgyu mtshan med cing / twon mun dang rtsen mun zhes pa rgya nag gi skad de/ bod skad du cig car ba dang rim gyis par 'gyur zhes mkhas pa'i dbang po bu ston zhabs gsung ba legs so//
de yang rgyal po rnam gnon zhes pa lcags pho 'brug gi lo la bod 'bangs byings kyi snang ngor tshad pa'i snyun gyis mya ngan las 'das la/ las ldan rnams kyi yid ngor chos dbyings bde ba'i rang bzhin zad mi shes pa'i chu gter chen por sna tshogs sprul pa'i bkod pa nyal 'gro'i rgyun kun gnyis med kyi ngang du mdzad de rje btsun 'jam dpal rdo rje'i thugs kar thim mo/ / bang so mu ra ri la brtsigs so//
chos kyi rgyal po 'di la btsun mo 'ga' zhig yod kyang tshe spong bza' la sras gsum byung ba'i che ba mu ne btsan po rgyal sar bskos/ 'bangs kyi ltogs