[A:67]phyug lan gsum du snyoms kyang / mi 'gyangs par sngar bzhin gyur par/ lo paN rnams kyis sngon gyi sbyin pa'i 'bras bu yin par gsungs pas/ rnam dkar gyi las la lhag par mos pa thob ste/ bsam yas su sde snod gsum gyi mchod pa btsugs/ mdo sde'i mchod pa deng sang yang yod/ rgyal srid mdzad nas lo gcig dang zla ba bdun la yum gyis dug btang nas grongs/ bang so mu ra ri la brtsigs/ mu khri btsan po dang 'di gnyis don gcig ming gi rnam grangs yin pa ma go bar/ dpa' bo gtsug lag gis/ 'di'i gcen du mu khri btsan po byung ba'i tha chad kyi gtam smras shing / chos rje bsod nams grags pas/ lo gcig dang zla ba bdun gyi ring la ltogs phyug lan gsum snyoms long med ces zhib pa ltar smra ba ni mu cor te/ sngon gyi las 'bras kyi shugs dgag par ma nus pa'i byed pos dbul po rnams la mkho rgu'i yo byad phun sum tshogs pa byin kyang mi ring bar phongs pa yin la/ skabs shig na ltogs phyug snyoms pa tsam du ma zad 'dus byas thams cad 'jig pa'i chos nyid can yin pas so//
'bring bo mu rug btsan po ni sngar rgyal po dang blon po zhang gnyis 'dzam gling gsum gnyis dbang du bsdu ba'i gros mdzad tshe/ sras kyis bka' bgros sar byon pas/ zhang gi bu'u rings kyis rje blon bka' bgros sar re zhig ma 'byon byas par/ sras kyis chu gri bsnun te bkum/ blon po 'gos kyis zhal lce 'dar gsum dang dga' gsum bcad de/ sras re zhig spyugs pa slar mon nas spyan drangs te rgyal srid la bsko bar rtsom pa na/ blon po'i shul mi zhang sna nam gyis bkrongs so/ / de yang dpa' bo gtsug lag gis/ mu ne btsan po yab kyi dgung lo so bzhi pa chu stag la 'khrungs par bshad pa ltar na/ chu pho stag gi lo chos rgyal dgung lo so bzhir sleb pa dngos su bstan pas/ shing sbrul la so bdun pa'i dgung skag yod pas/ gong du rgyal po