[A:68]lcags pho rta la 'khrung pa dag pa'i phyogs bzung ba dang / sba bzhed du yos la 'khrungs pa'i bzhed pa bsgyur ba sogs gang dang yang mi 'grig pa'i nang 'gal gyi tshig mngon sum du ston pa 'di 'dra ni/ gzhung lugs pa thos bsam byas pa lta ci smos shes pa rang bzhin du gnas pa sus kyang mi smra bas gzur gnas kun legs par soms shig
sras chung ba mu tig btsan po sad na legs mjing yon gyis dgung lo bzhi'i steng du rgyal srid bzung / slob dpon gyis chos skal stsal/ rgyal rabs 'ga' zhig tu rgyal po 'di'i mtshan la khri lde srong btsan du 'chad pa ni sgra sbyor bam gnyis pa sogs ma mthong ba'i skyon no/ / yab mes kyi gtsug lag khang rnams la mchod pa/ shul na bzhugs pa'i lo paN rnams la phul du byung ba'i bsnyen bkur dang bcas te/ sngar ma 'gyur ba'i gsung rab 'ga' zhig bsgyur/ bod kyi rgyal po la nga che bas lha khang nyi ma tsam zhig rtsig go gsungs pas/ slob dpon mdzad mkhan gyis nyi ma'i rgyar dpag tshad lnga bcu rtsa gcig yod pas/ bod 'dir mi shong zhes zhus par/ zla ba tsam zhig rtsig gsung bar de yang sngon dang 'dra tshul smras/ skar ma tsam zhig rtsig gsung bar rgyang grags bco brgyad yod tshul bzhin/ byang 'brog gi thang yangs sa zhig tu rtsig par bka' gnang bas/ blon po kun gyis byang du brtsigs na lha khang stong par lus 'gro tshul zhus pa dang / slar rje 'bangs kun gros mthun par/ rgyal sde dkar chung rdo rje dbyings kyi lha khang bzhengs/ bod kun phan pa dang bde ba'i lam du 'god par mdzad nas gshegs te/ bang so 'phrul rgyal mdun na brtsigs so/ / de yang lha sras mu tig btsan po dang / sad na legs mjing yon don gcig ming gi rnam grangs yin cing / rgyal sras lha rje de'i sras yin pa sogs rang nyid kyi rgyu mtshan go rim ma nges par/ dpa' bo gtsug