[A:70]che la zhugs/ de 'og dar ma ni/ rnam par dkar ba'i dge tshogs bsgrub pa'i bsam pa las phyi rol tu gyur te/ chu srin rgyal mtshan can gyi rjes su 'jug pa'i ce spyang la rgyal khrims dam pa'i chos kyis skyong ba'i rje bo gdong lnga'i dbang po 'khod pa'i gdan khrir mnga' gsol ba/ gtsug lag lugs gnyis dang mi mthun par 'phrul ldan rig pa'i srab kyis khrims kyi cang shes kha lo mngon par sgyur ba rnams kyis rtogs te/ mthu stobs kyi dbang phyug gsang ba'i bdag po rje btsun phyag na padma dang / zur phud lnga pa mi'i srid pa bzung nas dge legs kyi mtshan ma mchog tu dwangs pa'i ri mo'i snang brnyan slar yang dpyad pa gsum gyis ra ri'i dri ma tsam yang drung nas phyung ste rnam par dkar ba'i mdzad pa bla lhag tu ston pa'i ched du 'jig rten kun gyi cod pan la zhabs sen padma dkar po'i chun bu mdzes byed kyi rgyan du spud pa'i rigs stobs kyis khyad par du 'phags pa'i za ma tog tu dbang phyug brgyad kyi yon tan phyur bur bltams pa'i mnga' bdag khri sde srong btsan ral pa can bod 'bangs yongs kyi ral pa'i lan bu rnam par 'dud pa'i seng ge rkang pa brgyad pa'i khri la mnga' gsol lo//
de yang mnga' bdag 'di mi zad pa zhes pa me pho khyi'i lo la 'khrungs pa nas bzung ste lang tsho gzhon nu'i dus nyid nas sngon gyi bag chags bzang po sad pa'i rnam 'gyur ci yang mdzad cing / khyad par khri thog tu phebs nas rgyal thabs kyi bya ba legs byas kyi rgyur bsgrubs nas 'bras bu'i dga' ston la spyod par rab tu chas pa/ chos blon bran kha dpal gyi yon tan gyis byas/ sgra sbyor bam gnyis pa las/ rta'i lo la btsan po khri lde srong btsan pho brang gi'u shang rdo na bzhugs/ stod smad kyi dmag rje dang rkun chen btul/ gar log gi pho nyas phyag 'tshal zhes sogs ltar/ nyi 'og gi mkhan po dzi na mi tra/ su