[A:71]rendra bo dhi/ dha na shI la sogs paNDi ta du ma dang / lo tsA ba ska cog sogs gdan 'dzom par byas te/ sngar yab mes kyi ring la mdo sngags kyi chos phal che ba bsgyur zin na'ang / yul dbus 'gyur/ o rgyan/ bal yul/ rgya nag sogs skad du ma la brten nas bsgyur ba'i bod skad la bsgyur du ma btub pa 'ga' zhig so so'i rang skad du bzhag pas go dka' zhing / brda rnying dang sdeb 'ga' zhig la brten nas 'gyur mi bde ba dang klag dka' zhing legs sbyar gyi skad dang mi mthun pa rnams dbus 'gyur gyi rgya dpe saM skr-ita'i lugs gzhir byas pa rnams dang sgo bstun/ rgya dpe'i bcad lhug spel ma'i sdeb sbyor sogs bod skad la ji bzhin mi 'byung zhing / de dang bstun na go mi bde bas don rtogs sla ba gtso bar byas/ rgya skad du tshig bsdoms pa rnams de ltar bsgyur na gangs can ljongs kyi skad du 'phyugs 'gro ba dag phral te bsgyur ba/ ku sha la i gaN gyi rkyen byin pa'i kau shi ka lta bu sgra gcig don mang gcig tu 'chad par gtan tshigs kyis bsgrubs dka' ba kun rang sor bzhag mdor na byings las ming dang tshig gis bsgrubs shing / rnam dbye de phan nye sgyur tshig phrad sogs mtha' dag la zhib mor dpyad/ de nyid bod kyi skad la don 'gyur gtso bor byas de gtan la phab bo//
chos kyi rgyal po mes dbon gyi ring la mchog dman mtha' dag gi sems kyi ri dwags rang nyams su 'khyam par mi nus pa'i zhags pa dam pos yangs pa'i rgyal khams mtha' dag rang sar bde ba'i khrims kyi bya ba mtha' klas par mdzad pas/ yid 'phrog ma'i gtam rgyud las/ byang phyogs lnga ldan skyid cing rgyal ba de/ rgyal po de yi rgyal khrims chos bzhin spyad pa dang / 'bangs 'khor g.yog rnams kyis rgyal po'i bka' la nyan pas skyid pa yin zhes pa'i don dang mthun par gyur cing / de yang khrims ni/ bod rgan po ya rabs rnams