[A:77]sngags ni deng sang gi bar du nub ma myong la zhes gsungs pa yang 'di la dgongs so//
dus der yer par lha lung dpal gyi rdo rje ting nge 'dzin la khor mo yug tu gnas pa'i skabs/ dpal lha mos/ deng sang bod na grub thob khyod las med pas/ rgyal po sdig can bsgral ran zer ba'i brda zhig byung bas/ nang par bran la rgyu mtshan dris par lo rgyus rnams zhib tu bshad pas bsgral bya'i zhing du dgongs te/ rta dkar po la sol ba byugs/ gos phyi nag nang dkar gyon/ lha sar 'ongs pa dang / btsan po rdo ring gi yi ge klog pa'i skabs su 'grig pas/ phyag byed pa ltar byas te mtheb ltong sbyar/ bden pa bdar te brgyab pas brang la phog de ma thag bros te grib kyi ma gdong gi chu la bshan pas sol ba dag ste rta dkar por song / gos phyi nang bsgyur bar grags shing / don du mchog gsum dam pa'i thugs rje dang rang gi grub pa'i mtshan ma sogs kyis sna tshogs pa'i mthong snang grub bo/ / rgyal pos lag pa gnyis kyis mda' la 'ju zhing / yang na lo gsum gyis gsod pa sngas/ yang na lo gsum gyis 'phyis zhes smra ba'i mu la lnga pa'i lam du gyur to// bang so 'phrul dang rgyal chen bar du brtsigs pa 'phror lus skad do//
dus der btsad po'i btsun mo chung ba la sras shig btsa' bar nye skabs su yod pa btsun mo che bas shes te/ lus la gos mang po dkris nas mngal du sras chags pa skad smras/ mi ring bar chun ma la zla dus thems pa dang sras 'khrungs pa shin tu gces pas mtshan mo mar me'i 'od kyis bsrungs pas gnam lde 'od bsrungs su grags shing / chen mas kyang sprang phrug cig rin gyis nyos te/ mdang 'di skyes pa yin no zhes bstan pas/ so 'dug pa mthong ste/ mdang skyes kyi bu chung la so ni gda'/ 'on kyang yum gyi bka' brtan du chug