[A:84]par can mdzad/ sngar rgya gar nas phebs khar lo gsum la phyir phebs pa'i khas len gnas brtan shrI lA ka ra'i drung du nag tshos khas blangs pa bzhin 'phags pa'i yul du 'byon par chas pa'i tshe/ 'brom ston pa rgyal ba'i 'byung gnas jo bo bse btsun gyi drung na yod skabs/ mnga' ris su paNDi ta phebs pa'i gtam gsan pas mgyogs par bshul du zhugs te jo bo dang mjal/ dbus phyogs su lha sa dang bsam yas kyi thog drangs pa'i gtsug lag khang dang / dge 'dun gyi sde rnams kyi bsngags brjod mdzad pas/ jo bo chen po dgyes pa'i rnam 'gyur gyis phyag lan grangs mang por gnang bas spobs pa lhag par skyes te/ dbus su 'byon par gsol ba bzhin zhal gyis bzhes/ dus der 'brom gyis bod ston rnams la/ shing rta'i dbyibs 'dra 'dzam gling gi zhes sogs 'phrin yig brdzangs pa bzhin bsu ba la byon/ de nas rim gyis g.yas ru gtsang gi sa'i char phebs te/ yol chos dbang la sogs pa'i slob ma khyad par can 'ga' zhig smin par mdzad/ khu ston gyi yul yar klung bzang ba'i bsngags brjod la brten nas thang po cher phebs kyang / bsnyen bkur tshul bzhin ma byung bas dros stabs su bsam yas la phebs/ rgya dpe rnams glongs pas sngar ma gzigs pa mang po mchis pas/ slob dpon padmas mkha' 'gro'i gsang mdzod nas blangs pa yin nam gsungs/ de nas bod ston dang rngog sogs kyis btegs nas/ snye thang / lha sa/ yer pa/ lan pa sogs su phebs te/ gdul bya'i blo mchog dman dang bstun pa'i theg pa che chung gi chos kyi man dha ra ba'i 'phreng ba spel legs kha ba ri pa'i lus can rnams kyi thod du 'ching bar mdzad do/ /
'od lde'i sras rtse lde'i dus su dbus gtsang khams gsum gyi sde snod 'dzin pa phal cher 'dus te/ chos kyi 'khor lo bskor ba'i bsnyen bkur dang