[A:85]bdag rkyen mdzad/ zangs mkhar lo tsA bas tshad ma rgyan yang dus der bsgyur/ rwa lo/ gnyan lo/ khyung po chos brtson/ btsan kha bo che/ rngog blo ldan shes rab/ mar thung dad pa shes rab rnams dang bsdebs te/ dwags po dbang rgyal rnams kyi chos 'khor la bsnyegs te byon/ btsan kha bo ches sadzdza na la byams chos bslabs/ rwa gnyan gyis chos 'khor thon nas rgya gar du byon/ de nas mi ring bar dge bshes brag dkar bas skyid shod nyang bran pha bong khar dge 'dun gyi sde btsugs te bshad sgrub kyi bstan pa spel/ de dag dang dus mtshungs su bka' gdams gzhung pa glang shar/ gdams ngag ba lo/ bya yul/ rgya ma rin cen sgang pa rnams kyis lha chos bdun ldan gyi brgyud pa'i bstan pa spel/ gsang phur rngog lo yab sras kyis rigs lam nas drangs pa'i bshad nyan/ pa tshab lo tsA bas dbu ma'i gzhung / rgya 'dul 'dzin/ mtsho sna pa sogs kyis 'dul ba'i sde snod/ gnyal zhig yab sras kyis phar tshad/ rngog Araya de was 'dul ba 'gos lugs/ bya sgang pa bsod nams rin cen gyis 'dus pa mar lugs/ bla ma rngog pa yab sras kyis mar lugs gur brtag sam gsum/ zur chung pa dang rje sgro phug pa sogs kyis lung ki mdo bdun/ sgyu 'phrul sde brgyad/ sems sde nyi shu'i skor/ rwa chos rab/ rong ba rga lo/ dpyal lo/ gla ba lo tsA ba/ 'bro lo tsA ba sogs kyis gshed skor dang dus 'khor/ sa skya pa dkar po rnam gsum slob brgyud dang bcas pas 'brog mi lugs kyi gsung ngag gur brtag sam gsum/ bde mchog skor/ rje btsun mi la/ sgam po pa/ 'brug pa/ khro phu/ 'bri stag sogs kyis phyag rgya chen po dang chos drug gi skor/ paN chen shAkya shrI sogs kyis mdo sngags gnyis ka'i rig lam spel bar mdzad pas/ dus tshod der/ stobs bcu mnga' ba zas gtsang sras po'i lung dang rtogs pa'i bstan pa rin po che dkar phyogs kyi rdzogs pa gsum pa'i chu shel