[A:94]srid la mnga' sgyur bas grub pa'i dbang phyug chen po de thos bsam sgom pa'i gru gzings la brten nas zung 'jug nor bu'i gling du gshegs pa/ yon tan gyi dngos po brjod pa'i mtha' dang bral zhing / kha che paN chen gyi nyi zla gza' 'dzin 'byung bar lung bstan pa/ rje grags pas rtsa rlung la gzir bas ma byung ba dang / rdo rje dang dril bu nam mkhar 'jog nus shing rang sgra 'khrol ba/ ma mgon lcam dral bran du 'khol nus pa sogs ngo mtshar ba'i mdzad pa shin tu mang /
de'i gcung 'khon dpal chen 'od po che'i sras gnyis las/ che ba 'khon dpal ldan don grub ni skye ba nyi shu rtsa lnga la mi'i srid pa bzung zhing / 'jam dpal dbyangs kyi byin rlabs ga pur gsar pa'i thigs pa snying la sim pas mi shes pa'i tsha gdung rgyang ring por bsrings pas chung ngu'i dus nas saM skr-ita'i skad smra ba/ lanytsha dang wartu'i yi ge 'dri ba sogs sngon gyi bag chags sad pa'i rnam 'gyur du ma mdzad cing / rje grags pa'i drung du dge bsnyen gyi sdom pa blangs pa'i mtshan kun dga' rgyal mtshan du btags/ gzhon nu'i dus nas sgom chen rgan po'i rnam thar 'dzin pa'i rdzu bag gi mi tshe don med du stong par yol ba'i lugs rnams chu shing gi snying po lta bur gzigs nas mkhas pa dang grub pa'i bla ma du ma bsten te/ bzo rig pa/ gso ba rig pa/ sgra rig pa/ gtan tshigs rig pa/ nang rig pa ste che ba lnga dang / snyan dngags/ mngon brjod/ sdeb sbyor/ zlos gar/ skar rtsis sogs mdor na rig pa'i gnas mtha' dag la mkhas par sbyangs shing / sa skya paNDi ta zhes snyan pa'i grags pa dbus 'gyur rdo rje gdan gyi mdzes rgyan du spud/ bod 'dir gnas lnga rig pa'i srol 'byung ba 'di nyid kyi bka' drin yin cing / ming dang don mthun pa'i mkhas pa zur mkhar blo gros rgyal pos/ sems kyi chos nyid rjen 'char