[A:93]zhig btab pas sa skya gog por grags shing / de'i tshe ri'i rtse nas gzigs pas/ dpon po ri'i ngos 'gram na sa dkar zhing snum pa bkra shis pa'i dge mtshan du ma dang ldan pa'i yul du mkhyen te/ bdag po rnams la nor bu'i 'phreng ba sogs kyi rin gyis nyos te/ dpal ldan sa skya'i dgon pa btab/
'khon dkon cog rgyal por jo mo ma gcig zhang mo la bla ma sa skya pa chen po kun dga' snying po 'khrungs te mdo sngags kyi chos du ma la thos bsam sgom pa phul du phyin pa mdzad/ 'jam dbyangs a ra pa tsa na'i gsang ba gsum gyi bdud rtsi'i chu rgyun gyis thugs kyi bum bzang yongs su gang bas/ rje btsun 'jal dpal dbyangs kyi rnam 'phrul du shes ldan mtha' dag gor ma chag pas dpal sa skya pa 'jam dbyangs 'khon gyi rigs zhes grags shing / khyad par gsang chen rdo rje theg pa'i bstan pa'i bdag por gyur pas/ rgya gar du yang birWa pa'i sprul pa sa skya pa bya ba'i grags snyan gyi ze'u 'bru phyogs bral thos 'dzin 'dam skyes kyi ngos su g.yur za ldem zhing / mdor na dus gcig tu sku'i bkod pa mi 'dra ba mtha' yas pa ston pa sogs rje btsun sa ra has mtshon pa'i 'phags yul gyi grub pa'i dbang phyug mtha' dag gi khengs pa'i rgyud 'gugs par byed pa'i kha sbyor bdun ldan gyi bla na med pa'i lam gyi padma dkar po'i chun po 'dod pa'i bde ba gnyis med mtha' klas pa'i cod pan rnam par bcings pas 'bras bu'i theg pa la gcig tu bka' drin che/
dam pa 'di la sras bzhi byung ba'i che ba 'khon kun dga' 'bar rgya gar du byon pa tshad pas gshegs/ de 'og mi thub zla ba'i sprul pa 'khon bsod nams rtse mo ni yab mes kyi chos 'bras bu'i theg pa dang / gsang phur cha pa la rgyu'i theg par thos bsam mdzad/
de'i gcung 'khon grags pa rgyal mtshan ni rdo rje 'dzin pa'i chos kyi rgyal